យោងតាមការធ្វើបច្ចុប្បន្នភាពថ្មីៗស្ដីពីជម្លោះបានអោយដឹងថា រុស្ស៊ីបាននិយាយកាលពីថ្ងៃព្រហស្បតិ៍ថា បានធ្វើការវាយប្រហារជាច្រើន ប្រឆាំងនឹងអ៊ុយក្រែន នៅរយ:ពេល២៤ម៉ោងកន្លងទៅ ខណ:ដែលអ៊ុយក្រែនបានបញ្ជាក់នៅថ្ងៃជាមួយគ្នាថា ខ្លួនបានវាយប្រហារគ្រឿងយុទ្ធោបករណ៍ការពារដែនអាកាសរុស្ស៊ី។

ក្រសួងការពារជាតិរុស្ស៊ី បានរាយការណ៍កាលពីថ្ងៃព្រហស្បតិ៍ថា នៅថ្ងៃមុននេះ កងទ័ពរុស្ស៊ី បានវាយទប់នឹងការវាយប្រហារជាច្រើនរបស់កងទ័ពអ៊ុយក្រែនពីមុខព្រួញជាច្រើន និងបានធ្វើការវាយលុកជាច្រើនគោលដៅវិញ ដោយបានកម្ទេចរថក្រោះកងទ័ពអ៊ុយក្រែន រថពាសដែកជាច្រើនគ្រឿង កាំភ្លើងធំ១ដើម និងឧបករណ៍សឹកជាច្រើនទៀត។ 

កងទ័ពអាកាសរុស្ស៊ីបានបាញ់ទម្លាក់ យន្ដហោះចម្បាំងអ៊ុយក្រែន១គ្រឿងធនSu-27១គ្រឿង យានដ្រូនចំនួន១៩៦គ្រឿង និងបានស្ទាក់ចាប់មីស៊ីលប្រើជើងទម្រហ៊ីម៉ាស(HIMARS) ដែលផលិតនៅអាមេរិកចំនួន១៨គ្រាប់។ 

អគ្គសេនាធិការកងទ័ពអ៊ុយក្រែន បានរាយការណ៍នៅថ្ងៃជាមួយគ្នា ពីការប្រយុទ្ធគ្នាចំនួន៥៧លើក នៅក្នុងរយ:ពេល២៤ម៉ោងកន្លងទៅនេះ។

កងទ័ពអ៊ុយក្រែន បានវាយទប់ការវាយប្រហារ៤៨លើកពីខាងកងទ័ពរុស្ស៊ី ដោយបានវាយប្រហារគោលដៅជាច្រើន ដូចជា បុគ្គលិកយោធារុស្ស៊ី និងគ្រឿងយុទ្ធោបករណ៍ ប្រព័ន្ធការពារដែនអាកាសរុស្ស៊ី ស្ថានីយរ៉ាដា កន្លែងសង្រ្គាមអេឡិចត្រូនិក ។ យ៉ាងហោចណាស់កាំភ្លើងធំរុស្ស៊ីពីរដើម ត្រូវបានកម្ទេច៕