ប្រធានក្រុមប្រដាប់អាវុធនៅប្រទេសលីបង់ លោក Hezbollah បាននិយាយកាលពីថ្ងៃសុក្រថា ការវាយប្រហាររបស់អ៊ីស្រាអែល លើស្ថានកុងស៊ុលអ៊ីរ៉ង់ក្នុងទីក្រុងដាម៉ាស(Damascus) ក្នុង​សប្តាហ៍​នេះបានបង្ហាញពី «ចំណុចរបត់មួយ» ចាប់តាំងពីថ្ងៃទី ៧ ខែតុលា នៅពេល​ដែល​ក្រុម​ហាម៉ាស​ប៉ាឡេស្ទីន បានបើកការវាយប្រហារលើអ៊ីស្រាអែល ដែលនាំឱ្យមានការកើនឡើង​ភាពតាន​តឹង​នៅក្នុងតំបន់។ ការវាយប្រហារនៅទីក្រុងដាម៉ាស កាលពីថ្ងៃចន្ទ ទី១ ខែមេសា បាន​សម្លាប់​សមាជិកកងឆ្មាំបដិវត្តន៍អ៊ីរ៉ង់ ៧ នាក់ ដែលក្នុងនោះមានមេបញ្ជាការជាន់ខ្ពស់ម្នាក់ ដែល​អ៊ីរ៉ង់​បាន​ប្តេជ្ញាថាសងសឹក។

ក្រុម Hezbollah ដែលគាំទ្រដោយអ៊ីរ៉ង់ បាននិយាយថា ខ្លួនគាំទ្រសិទ្ធិរបស់ប្រទេសអ៊ីរ៉ង់ ក្នុងការ «ដាក់ទណ្ឌកម្ម» លើអ៊ីស្រាអែល ហើយនៅក្នុងសុន្ទរកថាតាមទូរទស្សន៍កាលពីថ្ងៃសុក្រ លោក Sayyed Hassan Nasrallah បាននិយាយថា ការឆ្លើយតបនឹងមកដល់។ សូមប្រាកដថា ការ​ឆ្លើយ​តបរបស់អ៊ីរ៉ង់ ចំពោះការ​កំណត់​គោលដៅ​លើ​ស្ថាន​កុងស៊ុល​នៅ​ក្នុង​ទីក្រុង​ដាម៉ាស(Damascus) ប្រាកដជានឹងកើតឡើងប្រឆាំងអ៊ីស្រាអែល។

លោក​ និយាយថា អ៊ីស្រាអែល បានត្រៀមទប់ទល់សម្រាប់លទ្ធភាពនៃការវាយប្រហារសងសឹក ដោយ​លុបចោលការចាកចេញសម្រាប់អង្គភាពប្រយុទ្ធទាំងអស់ និងប្រមូល​ផ្តុំក​ង​ទ័ព​បន្ថែម​ទៀត​សម្រាប់​អង្គភាពការពារដែនអាកាស។

រហូតមកដល់​ពេល​នេះ អ៊ីរ៉ង់បានបញ្ចៀសពីការធ្លាក់ចូលក្នុងជម្លោះដោយផ្ទាល់ ខណៈគាំទ្រ​ការ​វាយ​ប្រហារ​មួយចំនួនលើគោលដៅរបស់អ៊ីស្រាអែល និងសហរដ្ឋអាមេរិក ធ្វើឡើងដោយ​សម្ព័ន្ធ​មិត្ត​របស់​ខ្លួននៅទូទាំងតំបន់មានក្នុងប្រទេសលីបង់ ស៊ីរី យេម៉ែន និងអ៊ីរ៉ាក់។

ក្រុម​ហេសបូឡា ព្រមទាំងសម្ព័ន្ធមិត្ត Amal និងក្រុមប៉ាឡេស្ទីន ដែលមានមូលដ្ឋាន​នៅ​ប្រទេស​លីបង់ បានបាញ់តបតគ្នាជាមួយអ៊ីស្រាអែល ឆ្លងកាត់ព្រំដែនភាគខាងត្បូង ប្រទេសលីបង់ ចាប់​តាំង​ពីថ្ងៃទី ៨ ខែតុលា។ លោក Nasrallah កាលពីថ្ងៃសុក្រ បាននិយាយថា​ក្រុម​របស់​លោក​នៅ​តែ​មា​នអាវុធ និងកម្លាំង ដែលខ្លួនមិនទាន់បានប្រើប្រាស់ប្រឆាំងអ៊ីស្រាអែលនៅឡើយ៕