ប្រជាជនស្លូវ៉ាគីបានចេញទៅបោះឆ្នោត នៅថ្ងៃសៅរ៍ (ទី៦ ខែមេសា) នេះ ដើម្បីជ្រើសរើសប្រធានាធិបតីថ្មី ដោយកំពុងសម្រេចចិត្តជ្រើសយក រវាងបេក្ខជនប្រឆាំងលោកខាងលិចលោក គឺលោក Ivan Korcok និងលោក Peter Pellegrini ដែលឈរឈ្មោះឲ្យក្រុមចម្រុះឆ្វេងនិយមកំពុងកាន់អំណាច។

ដូចអ្នកបោះឆ្នោតផ្សេងទៀតដែរ លោក Igor Mazacek បាននិយាយថា លោកចង់ឲ្យអ្នកឈ្នះ «ពិតជាធ្វើការ» ដើម្បីប្រជាជន។ អ្នកបោះឆ្នោតម្នាក់ទៀត គឺលោកស្រី Jana បាននិយាយថា លោកស្រីសង្ឃឹមថា ប្រធានាធិបតីជាប់ឆ្នោត នឹងជួយប្រទេសនេះ ធ្វើដំណើរទៅក្នុងទិសដៅសមហេតុផល។

សំណួរគឺថា តើនាយករដ្ឋមន្ត្រី លោក Robert Fico ដែលឡើងកាន់អំណាចជាលើកទី៤ ក្នុងខែតុលា នឹងទទួលបានសម្ព័ន្ធមិត្តនៅក្នុងវិមានប្រធានាធិបតី ឬក៏ត្រូវប្រឈមជាមួយនឹងគូប្រជែងដែលអាចប្រឆាំងនឹងជំហរគាំទ្ររុស្ស៊ីរបស់លោក និងផែនការធ្វើកំណែទម្រង់ច្បាប់ព្រហ្មទណ្ឌ និងប្រព័ន្ធផ្សព្វផ្សាយ ដែលបានការព្រួយបារម្ភអំពីការធ្វើឲ្យនីតិរដ្ឋចុះខ្សោយ។

គេរំពឹងថា ការបោះឆ្នោតនេះនឹងមានភាពតានតឹង ដោយយោងតាមការស្ទង់មតិចុងក្រោយដែលបានចេញផ្សាយមុនការផ្អាកលើយុទ្ធនាការដែលចាប់ផ្តើមកាលពីថ្ងៃព្រហស្បតិ៍ (ទី៤ ខែមេសា)។ សារព័ត៌មានអនឡាញ Bookmakers កាលពីថ្ងៃសុក្រ (ទី៥ ខែមេសា) បានចាត់ទុកលោក Korcok ដែលបានឈរនៅលើគេដ៏គួរឲ្យភ្ញាក់ផ្អើល នៅជុំទី១ កាលពី ២សប្តាហ៍មុនថា មានសិទ្ធិខ្ពស់ជាងគេតិចតួច ក្នុងការប្រកួតប្រជែងនេះ។

គួរបញ្ជាក់ថា ប្រធានាធិបតីស្លូវ៉ាគីមិនមានអំណាចប្រតិបត្តិច្រើននោះទេ ប៉ុន្តែពួកគេអាចវេតូច្បាប់ ឬជំទាស់ នៅក្នុងតុលាការធម្មនុញ្ញ៕