មន្ត្រីបាននិយាយថា មនុស្សពីរនាក់បានស្លាប់ និងដប់នាក់ផ្សេងទៀតបានរងរបួស នៅពេលដែលគ្រាប់បែកមួយគ្រាប់ត្រូវបានបំផ្ទុះនៅក្នុងតំបន់ទីផ្សារមួយកន្លែងក្នុងខេត្ត បាឡូជីស្ថាន(Balochistan) ភាគនិរតី ប្រទេសប៉ាគីស្ថាន កាលពីយប់ថ្ងៃអាទិត្យ។

ប្រភពព័ត៌មានពីនគរបាលខេត្ត បាននិយាយថាហេតុការណ៍នេះ បានកើតឡើង កាលពីវេលាម៉ោងប្រហែល៩និង៤០នាទីយប់ ម៉ោងក្នុងស្រុក នៅពេលដែលឧបករណ៍បំផ្ទុះកែច្នៃ ត្រូវបានដាក់បង្កប់នៅលើម៉ូតូមួយគ្រឿង បានផ្ទុះនៅក្នុងស្រុក Khuzdar ។ 

ប្រភព័ត៌មានបាននិយាយបន្ថែមថា រថយន្តនគរបាល ដែលចេញល្បាតជាប្រចាំនៅក្នុងស្រុក ទំនងជាគោលដៅនេះ ដែលត្រូវបានដាក់គោលដៅខុស ក្នុងរយៈពេលប៉ុន្មានវិនាទី។

នគរបាលបានគេចផុតដោយមិនរងរបួសក្នុងការវាយប្រហារនេះឡើយ ប៉ុន្តែជនស៊ីវិល ដែលកំពុងដើរទិញឥវ៉ាន់សម្រាប់ពិធីបុណ្យអ៊ីស្លាម Eid al-Fitr នាពេលខាងមុខ បានស្លាប់ និងរងរបួសនៅក្នុងការវាយប្រហារនេះ។ 

ជនរងគ្រោះ ដែលរងរបួសរួមមានស្ត្រីនិងកុមារ ត្រូវបានបញ្ជូនទៅសង្គ្រោះនៅមន្ទីរពេទ្យ។ 

ប៉ុន្តែនៅពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយ។