ទីក្រុងភាគខាងជើង Torreon របស់ម៉ិកស៊ិក បានត្រៀមតេឡេស្កូបរួចរាល់សម្រាប់សូរ្យគ្រាសនៅថ្ងៃចន្ទ 

 ទី ៨ ខែមេសានេះ ។ 

 ទីក្រុង Torreon បានក្លាយជាចំណុចជួបជុំដ៏សំខាន់មួយ ជាទីដែលពលរដ្ឋរៀបចំតេឡេស្កូបរបស់ពួកគេ ដើម្បីមើលបាតុភូតសូរ្យគ្រាស ។ 

 លោក Josep Masalles គឺជាប្រធានគណកម្មការតារាសាស្រ្ត Aster របស់ទីក្រុង Barcelona និយាយថា ខ្ញុំមកទីនេះ ដោយសារវាគឺជាកន្លែងល្អបំផុតដើម្បីមើលសូរ្យគ្រាសពេញវង់ ។ 

 សូមបញ្ជាក់ថា សូរ្យគ្រាសនឹងមើលឃើញនៅថ្ងៃចន្ទនេះ ចាប់ពីប្រទេសម៉ិកស៊ិករហូតដល់រដ្ឋ Texasនិង ១៤រដ្ឋផ្សេងទៀតរបស់សហរដ្ឋអាមេរិក ក៏ដូចជាខេត្ត Quebec និងខេត្ត ៤ផ្សេងទៀតរបស់កាណាដា ។ 

 ទ្វីបអាមេរិកខាងជើង នឹងមិនឃើញសូរ្យគ្រាសពេញវង់ពីឆ្នេរសមុទ្រមួយ ទៅឆ្នេរសមុទ្រមួយផ្សេងទៀតសម្រាប់រយៈពេល ២១ ឆ្នាំ ជាហេតុដែលមនុស្សរាប់លាននាក់នៅទូទាំងប្រទេសធ្វើដំណើរទៅមើលបាតុភូតដ៏កម្រមួយនេះ ៕