ប្រជាជនប៉ាឡេស្ទីនជាច្រើន បានវិលត្រឡប់ទៅកាន់ទីក្រុងខាន់យូនីសនៃតំបន់ហ្កាហ្សាភាគខាងត្បូង នៅថ្ងៃចន្ទនេះ ដើម្បីជួយសង្គ្រោះអ្វីដែលពួកគេអាចធ្វើបានពីការបំផ្លិចបំផ្លាញដ៏ធំដែលបានបន្សល់ទុក បន្ទាប់ពីការវាយលុករបស់អ៊ីស្រាអែល មួយថ្ងៃបន្ទាប់ពីយោធាអ៊ីស្រាអែល បានប្រកាសថា ខ្លួនកំពុងដកកងទ័ពចេញពីតំបន់នោះ។

មនុស្សជាច្រើន បានត្រឡប់ទៅទីក្រុងធំទីពីររបស់តំបន់ហ្កាហ្សាស្ទ្រីប ដើម្បីស្វែងរកអតីតស្រុកកំណើតរបស់ពួកគេ ដែលមិនអាចស្គាល់បាន។ ជាមួយនឹងអគារជាច្រើនដែលត្រូវបានបំផ្លាញ ឬខូចខាត គំនរកម្ទេចថ្មឥឡូវនេះ ស្ថិតនៅកន្លែងដែលផ្ទះល្វែង និងអាជីវកម្មធ្លាប់ធ្វើ។ ផ្លូវនានា ត្រូវបានឈូសឆាយ។ សាលារៀន និងមន្ទីរពេទ្យ ត្រូវខូចខាតដោយសារការប្រយុទ្ធគ្នា។

អ៊ីស្រាអែល បានបញ្ជូនកងទ័ពទៅកាន់ទីក្រុងខាន់យូនីស នៅក្នុងខែធ្នូ ជាផ្នែកមួយនៃការវាយលុកលើដីដ៏ក្តៅគគុករបស់ខ្លួន ដែលបានកើតមានឡើងជាការឆ្លើយតបទៅនឹងការវាយប្រហារដឹកនាំដោយក្រុមហាម៉ាស កាលពីថ្ងៃទី៧ ខែតុលា ចូលទៅក្នុងប្រទេសអ៊ីស្រាអែលភាគខាងត្បូង។ អាជ្ញាធរអ៊ីស្រាអែល បាននិយាយថា មនុស្ស ១.២០០នាក់ ដែលភាគច្រើនជាជនស៊ីវិល ត្រូវបានសម្លាប់ និងប្រហែល ២៥០នាក់ត្រូវ បានចាប់ធ្វើជាចំណាប់ថ្នូរ។

សង្គ្រាមដែលឥឡូវនេះនៅក្នុងខែទី៧របស់ខ្លួន បានសម្លាប់ប្រជាជនប៉ាឡេស្ទីនជាង ៣៣.០០០នាក់ ដែលភាគច្រើនជាស្ត្រី និងកុមារ។ ភាគច្រើននៃប្រជាជន២,៣លាននាក់នៃទឹកដីនេះ បានផ្លាស់ទីលំនៅ និងបានបន្សល់ទុកនូវទឹកដីដ៏ធំធេងនៃតំបន់ហ្កាហ្សានេះ គ្មានអ្នករស់នៅ នេះបើយោងតាមអាជ្ញាធរសុខា   ភិបាលក្នុងតំបន់នេះ។