តំបន់ភ្នំអ៊ូរ៉ល(Ural) និងតំបន់ស៊ីបេរីរបស់ប្រទេសរុស្ស៊ីរួមជាមួយផ្នែកជាច្រើនទៀតនៃប្រទេសកាហ្សាក់ស្ថានជិតខាង បានទទួលរងគ្រោះទឹកជំនន់ដ៏ធ្ងន់ធ្ងរ ដែលជាច្រើនទសវត្សរ៍មិនធ្លាប់មាននៅប៉ុន្មានថ្ងៃកន្លងមកនេះ។

ទឹកជំនន់នេះ កំពុងបង្កឱ្យមានការរលាយព្រឹលចំតំបន់ដ៏ធំមួយដែលលាតសន្ធឹងពីតំបន់ភ្នំអ៊ូរ៉ាល់របស់

រុស្ស៊ីទៅតំបន់ព្រំដែនជាមួយប្រទេសកាហ្សាក់ស្ថាន ដោយទឹកជំនន់នេះ បានធ្វើអោយជន់លិចផ្ទះយ៉ាងហោចណាស់១ម៉ឺនខ្នង និងបង្ខំអោយមនុស្សរាប់ពាន់នាក់ភៀសខ្លួនចេញ ជាមួយនឹងសត្វចិញ្ចឹមនិងរបស់របមួយចំនួនរបស់ពួកគេ។

ទន្លេក្នុងតំបន់ភ្នំអ៊ូរ៉លបានឡើង និងហូរទៅកាន់សមុទ្រកាសព្យែន(Caspian) ដោយឡើងជាច្រើនម៉ែតតែរយ:ពេលប៉ុន្មានម៉ោងប៉ុណ្ណោះកាលពីថ្ងៃសុក្រដោយសារតែព្រឹលរលាយជាទឹក។

អភិបាលក្រុងអសខ៍(Orsk) លោកវ៉ាស៊ីលី កូហ្ស៊ូពីតសា(Vasily Kozupitsa) ត្រូវបានទីភ្នាក់ងារព័ត៌មានរុស្ស៊ីស្រង់សម្ដីបានអោយដឹងថា ទន្លេទីពីរក្នុងក្រុង ឈ្មោះ យែលសាន់កា (Yelshanka) បានធ្លាយទំនប់របស់វា។ ហើយវិធានការនានា ត្រូវបានអនុវត្ដន៍ហើយដើម្បីជម្លៀសអ្នកស្រុកចេញពីតំបន់ដែលរងគ្រោះ។

យោងតាមអាជ្ញាធរក្នុងស្រុកបានអោយដឹងថា មនុស្សជាង ៦.១០០នាក់ ត្រូវបានគេជម្លៀសចេញពីក្រុងដែលមានប្រជាជនចំនួន២៣០.០០០នាក់រួចជាស្រេចទៅហើយ។ សាលារៀន១៥ខ្នងក្នុងចំណោម៤០ខ្នង ត្រូវបានទឹកជន់លិច។

ប្រធានាធិបតីវ៉្លាឌីមៀ ពូទីនបានបញ្ជារអោយរដ្ឋមន្រ្ដីក្រសួងគ្រាមានអាសន្ន លោកអាឡិចសិនឌើរ គយរិនកូវ(Alexander Kurenkov) ធ្វើដំណើរតាមយន្ដហោះទៅតំបន់នោះជាបន្ទាន់។ វិមានក្រឹមឡាំង បាននិយាយកាលពីថ្ងៃអាទិត្យថា ទឹកកំពុងជោជន់ឥឡូវនេះ ក៍បានធ្វើអោយក្រុងគួហ្កាន់(Kurgan)

ក្នុងតំបន់ភ្នំអ៊ូរ៉ល (Ural) និងក្រុងទីយូមែន(Tyumen)តំបន់ស៊ីប៊ីរីមិនអាចចៀសផុតឡើយ។