ភ្នំពេញ ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាប្រធានក្រុមប្រឹក្សាជាតិរណសិរ្សជាតិ សាមគ្គី អភិវឌ្ឍន៍មាតុភូមិកម្ពុជា បានអញ្ជើញដឹកនាំគណ:ប្រតិភូទៅបំពេញ ទស្សន:កិច្ចជាផ្លូវការ និងចូលរួមក្នុងកិច្ចប្រជុំរណសិរ្សបីប្រទេស កម្ពុជា-ឡាវ-វៀតណាម នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ នា ថ្ងៃទី៩ ខែមេសា ឆ្នាំ២០២៤នេះ ។

ដំណើរបំពេញទស្សន:កិច្ចរយះពេល៣ថ្ងៃនៅក្នុងរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវនេះ ធ្វើឡើងតបតាមការអញ្ជើញរបស់ ឯកឧត្តមបណ្ឌិត ស៊ិនឡាវង្ស ឃុតផៃធូន (SINLAVONG KHOUT PHAYTHOUNE) ប្រធានគណៈកម្មាធិការមជ្ឈិមរណ សិរ្សអភិវឌ្ឍន៍ជាតិឡាវ ចាប់ពីថ្ងៃទី០៩-១១ ខែមេសា ឆ្នាំ ២០២៤ខាងមុខនេះ។ ជាមួយគ្នានេះដែរ សម្តេចកិត្តិសង្គ ហបណ្ឌិត ម៉ែន សំអន ក៍នឹងមានជំនួបពិភាក្សាការងារជា មួយឯកឧត្តម ថោងលូន ស៊ីសូលីត (THONGLOUN SISOULITH) អគ្គលេខាធិការបក្ស និង ជាប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ ។ ជំនួបជា មួយឯកឧត្តមបណ្ឌិត សនសៃ ស៊ីផាន់ ដន (SONEXAY SIPHANDONE) នាយករដ្ឋមន្រ្តី នៃសាធារណរដ្ឋប្រ ជាធិបតេយ្យប្រជាមានិតឡាវ និង មានជំនួបជាមួយឯកឧត្តមបណ្ឌិត ស៊ិនឡាវង្ស ឃុតផៃធូន (SINLAVONG KHOU TPHAYTHOUNE) ប្រធានគណៈកម្មាធិការ មជ្ឈិមរណ សិរ្ស អភិវឌ្ឍន៍ជាតិឡាវផងដែរ ៕ អត្ថបទ ៖ ភារម្យ