គណបក្សប្រឆាំងរបស់ប្រទេសអាល្លឺម៉ង់ បានស្តីបន្ទោសការធ្វើទេសន្តរប្រវេសន៍ខុសច្បាប់ចំពោះការកើនឡើងនៃឧក្រិដ្ឋកម្ម បន្ទាប់ពីវាលេចចេញថា ជនសង្ស័យក្នុងអំពើហិង្សា២ភាគ៥ គឺជាជនបរទេស។

នគរបាលអាល្លឺម៉ង់ បានកត់ត្រាឧក្រិដ្ឋកម្មចំនួន ៦លានករណី កាលពីឆ្នាំមុន គឺកើនឡើង ៥,៥ភាគរយ។ ស្ថិតិជាតិដែលចេញផ្សាយនៅសប្តាហ៍នេះ បង្ហាញថា ឧក្រិដ្ឋកម្មហិង្សា បានកើនឡើងដល់កម្រិតខ្ពស់រយៈពេល ១៥ ឆ្នាំ ជាមួយនឹងឧក្រិដ្ឋកម្មដោយប្រើកាំបិត ការវាយដំដោយហិង្សា និងឃាតកម្មកើនឡើង។

ជនសង្ស័យ ៤នាក់ក្នុងចំណោម ១០នាក់ ក្នុងករណីឧក្រិដ្ឋកម្មហិង្សា គឺជាជនជាតិមិនមែនអាល្លឺម៉ង់ជិតបីដងច្រើនជាងចំណែកនៃជនបរទេសនៅក្នុងចំនួនប្រជាជនទាំងមូលដែលមានចំនួន១៥ភាគរយ។

នៅក្នុងរដ្ឋ Saxony លោករដ្ឋមន្ត្រីមហាផ្ទៃ Armin Schuster បានអំពាវនាវឲ្យរដ្ឋាភិបាលរបស់លោក          អូឡាហ្វ សូល ( Olaf Scholz) កំណត់ចំនួនជនភៀសខ្លួន។

លោក Schuster សមាជិកនៃគណបក្សប្រជាធិបតេយ្យគ្រិស្តស្តាំនិយម បាននិយាយថា៖« ការអភិវឌ្ឍ អវិជ្ជមានយ៉ាងខ្លាំងនេះ បង្ហាញពីភាពតឹងតែងនៃសេវាកម្មរួមបញ្ចូលរបស់យើងទាក់ទងនឹងកន្លែងស្នាក់នៅ ភាសា និងការងារ...យើងត្រូវការជាបន្ទាន់នូវការកំណត់ការធ្វើទេសន្តរប្រវេសន៍សម្រាប់ជនភៀសខ្លួន»។