នៅព្រឹកថ្ងៃទី១០ ខែមេសា ឆ្នាំ២០២៤ ឯកឧត្តម ទ្រី ដាលុច អនុប្រធាន​ក្រុមការងារ​គណបក្ស​ចុះមូលដ្ឋាន​ស្រុកប្រាសាទបល្ល័ង្ក ចុះសំណេះសំណាលក្នុងពិធីបើកសង្ក្រានស្រុកប្រាសាទបល្ល័ង្ក ខេត្តកំពង់ធំ បានចុះសំណេះសំណាល ក្នុងពិធីបើកសង្ក្រានស្រុកប្រាសាទបល្ល័ង្ក ខេត្តកំពង់ធំ។

ក្នុងឱកាសនោះ ឯកឧត្តម បានលើកឡើងថា ព្រឹត្តិការណ៍សង្រ្កាន្ត ជា​ពេល​វេលា​ដែល​យើង​បង្ហាញ​នូវ​វប្បធម៌​ប្រពៃណីរបស់យើង សម្រាប់ជាមោទនភាព ហើយក៏ជាការ​អភិរក្ស​សម្រាប់​ផ្នែក​សិល្បៈ​វប្បធម៌ និងអត្តសញ្ញាណជាតិរបស់យើង ហើយយើងគប្បីបន្តចូលរួមរក្សា សិល្បៈវប្បធម៌ និង​អត្ត​សញ្ញាណ​ជាតិរបស់យើង។ ឯកឧត្តមបានបន្ថែមថា ការចូលរួមរៀប​ចំ​ព្រឹត្តិការណ៍​សង្ក្រាន្ត​ស្រុក​ប្រាសាទ​បល្ល័ង្ក មិនត្រឹមតែនាំមកនូវភាពសប្បាយរីករាយនៅក្នុងពេលប៉ុន្មានថ្ងៃនេះទេ ប៉ុន្តែ វានឹង​ផ្ដល់​នូវ​ផលប្រយោជន៍ និងសាមគ្គីភាពជាបន្តទៅយុវជនជំនាន់ក្រោយៗទៀត។ 

ឯកឧត្តម ទ្រី ដាលុច បានសំណូមពរប្អូនៗយុវជនយកចិត្តទុកដាក់ចំពោះសុវត្ថិភាព គោរព​ច្បាប់​ចរាចរណ៍ ធ្វើជាគំរូល្អក្នុងការអធ្យាស្រ័យគ្នា គោរពចាស់ទុំ និងអនុវត្តសុជីវធម៌ល្អរបស់ខ្មែរយើង ក្នុង​ពេល​លេងល្បែងប្រជាប្រិយនានា ក្នុងនោះមានដូចជា ចោលឈូង  បោះអង្គញ់ វាយក្អម  ចាប់​កូន​ខ្លែង  ស្តេចចង់ ឬអៀវគ្នា ​ រាំដណ្តើមកៅអីគ្នា ​លោតប៉ាវ​ ដណ្តើមស្លឹកឈើ ​លាក់កន្សែង ​ទាញព្រ័ត្រ ​និងល្បែងពង្រាត់កូនក្រមុំ ជាដើម៕