លោកប្រធានាធិបតី ចូ បៃដិន ( Joe Biden) បាននិយាយនៅក្នុងបទសម្ភាសន៍មួយដែលត្រូវបានចាក់ផ្សាយកាលពីថ្ងៃអង្គារថា លោកនិងរដ្ឋបាលរបស់ខ្លួន កំពុងព្យាយាមកំណត់ថាតើលោកមានសិទ្ធិអំណាចក្នុងការធ្វើសកម្មភាពដោយខ្លួនឯង ដើម្បីបិទព្រំដែនភាគខាងត្បូងរបស់សហរដ្ឋអាមេរិកជាមួយប្រទេស ម៉ិកស៊ិក ចំពោះជនអន្តោប្រវេសន៍ដែរឬទេ ប្រសិនបើវាត្រូវបានចាត់ទុកថា ចាំបាច់នោះ។

លោកបៃដិន បានប្រាប់ទូរទស្សន៍ Univision នៅក្នុងបទសម្ភាសន៍ថា ដោយសារតែច្បាប់បក្សទាំងពីរ ដែលនឹងផ្តល់ឲ្យលោកនូវសិទ្ធិអំណាចក្នុងការបិទព្រំដែន ត្រូវបានជាប់គាំងដោយគណបក្សសាធារណរដ្ឋនៅក្នុងសភា លោកត្រូវបានលើកទឹកចិត្តឲ្យព្យាយាមធ្វើវាតែម្នាក់ឯង។

លោកបានបញ្ជាក់ថា៖«យើងកំពុងពិនិត្យមើលថាតើខ្ញុំមានអំណាចនោះឬអត់" ដោយបន្ថែមថា មិនមាន «ការធានា»ថា លោកមានអំណាចដោយគ្មានច្បាប់។

ការធ្វើទេសន្តរប្រវេសន៍ គឺជាបញ្ហាកសំខាន់នៅក្នុងយុទ្ធនាការឃោសនាបោះឆ្នោតប្រធានាធិបតី នៅឆ្នាំនេះ។ អតីតប្រធានាធិបតីលោក ដូណាល់ ត្រាំ( Donald Trump) ដែលជាគូប្រជែងខាងគណបក្

សាធារណរដ្ឋ នៅក្នុងការបោះឆ្នោតនៅពីថ្ងៃទី៥ ខែវិច្ឆិកា បានចោទលោកបៃដិនថា មានការធ្វេសប្រហែសចំពោះបញ្ហាព្រំដែន។