​ចិន៖ ខេត្ត Henan ភាគ​កណ្តាល​នៃ​ប្រទេស​ចិនកំពុង​ចាប់ផ្ដើម​បោសសម្អាត បន្ទាប់ពី​ទឹកជំនន់បណ្ដាល​ឲ្យ​មាន​មនុស្ស​ស្លាប់​នៅ​ក្នុង​តំបន់​នេះ ខណៈ​ទីក្រុង​ឆ្នេរសមុទ្រ​ជាច្រើន​របស់​ប្រទេស​ចិន​កំពុង​ប្រឹងប្រែង​ ដើម្បី​ត្រៀម​ទប់​ទល់នឹង​ព្យុះ​ទី​ហ្វុ​ង​ដែល​កំពុង​ខិត​ជិត​មក​ដល់​។

​ជំនន់​ទឹកភ្លៀង​បាន​បញ្ចប់​ជា​បណ្តើរ​ៗ​ចាប់​តាំង​ពី​ថ្ងៃ​ព្រហស្បតិ៍​នៅ​ទីក្រុង Zhengzhou ខេត្ត Henan ហើយ​ទឹកជំនន់​ដែល​ជន់​លិច​តាម​ដងផ្លូវ​ក្នុង​ទីក្រុង​បាន​ស្រក​ចុះ​ ដោយមាន​ជំនួយ​ពី​ម៉ាស៊ីន​បូមទឹក​ និង​ឧបករណ៍​បង្ហូរទឹក​ផ្សេងទៀត​។ ចរាចរណ៍​កំពុង​បន្ត​ដំណើរការ​បណ្តើរៗ បន្ទាប់ពី​រថយន្ត​ធន់​ធំ​សណ្ដោង​ជាង ៥០០​គ្រឿង​បាន​ទាញ​យក​រថយន្ត​ដែល​ខូចខាត​ដោយ​ទឹកជំនន់​ចេញពី​ទីក្រុង​។​ ​ទោះបីជា​មានការ​បំផ្លាញ​បណ្ដាល​មក​ពី​ទឹកជំនន់​ក៏ដោយ ផ្សារ​ទំនើប​ក្នុង​​តំបន់​នៅ​តាម​សហគមន៍​ប្រជាជន​រស់នៅ មានការ​ផ្គត់ផ្គង់​ផ្លែឈើ សាច់ ស៊ុត និង​ទឹកដោះ​គោគ្រប់គ្រាន់​។ អ្នក​រស់​នៅក្រុង Zhengzhou បាន​និយាយ​ថា ការធានា​ដែល​រដ្ឋាភិបាល​ផ្តល់​ឱ្យ​គឺ​គ្រប់គ្រាន់​។ យើង​មិន​មាន​ការ​ព្រួយបារម្ភ​ឡើយ ឥឡូវនេះ​យើង​មាន​ទឹក​មាន​សារ​ធាតុ​រ៉ែ​ជាច្រើន​នៅ​ផ្សារ​ទំនើប ​ដូច្នេះ​យើង​អាច​ទិញ​បាន​គ្រប់​ពេល​។

ក្រុម​ជំនាញ​មាន​ក្រុមការងារ​ចំនួន ៣​ក្រុម​ត្រូវ​បាន​បញ្ជូន​ដោយ​ក្រសួង​ធន​ធាន​ទឹក បាន​នឹង​កំពុង​ដឹកនាំ​ការងារ​លុបបំបាត់​ហានិភ័យ ប្រមូល​បោះចោល និង​ការពារ​ទឹកជំនន់​នៅខេត្ត Henan។ ក្រសួងពាណិជ្ជកម្ម​ចិន​បាន​បញ្ជូន​សហគ្រាស​គាំទ្រ​ខ្នាត​ធំ​ ដើម្បី​ធានា​ការ​គាំទ្រ​បន្ទាន់​ផលិតផល​អាហារ​ទៅកាន់​ទីផ្សារ​ខេត្ត ​Henan។ មជ្ឈមណ្ឌល​ឧតុនិយម​ជាតិ​ប្រទេស​ចិន​នៅ​ព្រឹក​ថ្ងៃ​សុក្រ បាន​បន្ត​ប្រកាស​អាសន្ន​ពណ៌​ខៀវ​ សម្រាប់​ការ​ខិត​មក​ជិត​នៃ​ព្យុះ​ទី​ហ្វុ​ង In-Fa។​ ព្យុះ​ទី​ហ្វុ​ង​ទី​៦ ​នៃ​ឆ្នាំនេះ​ត្រូវ​បាន​គេ​រំពឹង​ថា​ នឹង​ធ្វើ​ឱ្យ​មាន​ការ​បាក់​ដី​នៅ​ភាគ​ខាងជើង​ខេត្ត Fujian និង​ខេត្ត Zhejiang ប្រទេស​ចិន​នៅ​ថ្ងៃអាទិត្យ​ស្អែក​នេះ​៕

អត្ថបទ៖ ប៊ុនថន