ភ្នំពេញ ៖ ម្ចាស់សិប្បកម្មកែច្នៃផលិតផលក្នុងស្រុក បង្ហាញនូវអារម្មណ៍សប្បាយរីករាយ ខណៈការលក់ផលិតផលរបស់ពួគគាត់ ទទួលបានការ គាំទ្រពីប្រជាពលរដ្ឋ និងលក់ដាច់ច្រើន ក្នុងរយៈពេលជាង៣ខែ ដើមឆ្នាំនេះ ដែលជាការចូឡរួមចំណែកលើកកម្ពស់ និងផ្តល់ជាកំលាំង ចិត្ត ក្នុងការបន្តអភិវឌ្ឍន៍អាជីវកម្មរបស់ពួកគាត់។ 

​ម្ចាស់សិប្បកម្មកែច្នៃ និងវេចខ្ចប់ផលិតផលក្នុងស្រុក លើកឡើងក្នុងកិច្ចសម្ភាសន៍ាមួយភ្នាក់ងារអ្នកយកព័ត៌មាន BTV នៅក្នុង ការយកផលិតផលខ្មែរមកដាក់តាំងបង្ហាញ និងលក់ នៅទីស្ដីការគណៈរដ្ឋមន្ដ្រី ថ្ងៃទី១១ ខែ មេសា ឆ្នាំ២០២៤ នេះថា ពាក់ព័ន្ធការ រៀបចំដាក់តាំងបង្ហាញ និងលក់ផលិតផលនេះ ពួកគាត់តែងតែចូលរួមដើម្បីដាក់បង្ហាញផលិតផល ក៏ដូចជាការផ្សព្វផ្សាយទៅដល់ ប្រពលរដ្ឋដូចជា៖ បញ្ហាវេចខ្ចប់ គុណភាព និងអនាម័យជាដើម ដើម្បីឲ្យប្រជាជនជួយគាំទ្រផលិតផលក្នុងស្រុក ក្នុងនោះការចូលរួមគាំ ទ្រពីប្រជាជន ពិតជាមានសារៈសំខាន់ណាស់, ប្រសិនបើខ្សែច្រវាក់ផលិតកម្មក្នុងស្រុកដំណើរកាន់តែខ្លាំង វាជាការចូលរួមចំណែក ដល់ការលើកកម្ពស់កសិករជាអ្នកដាំដុះ វិស័យការងារ និងការបង្កើតនូវតម្លៃបន្ថែមកាន់តែខ្ពស់។

ម្ចាស់សិប្បកម្មទាំងនោះ លើកឡើងស្រដៀងគ្នាទៀតថា ជាក់ស្តែងនៅក្នុងរយៈពេលជាង ៣ខែ ដើមឆ្នាំ ២០២៤ នេះ ពួកគាត់ បានរុញផលិតចូលទីផ្សារធំៗបានជាច្រើន និងលក់ដាច់ប្រសើរជាងពេលមុនៗ ជាពិសេសទទួលបានការគាំទ្រយ៉ាងខ្លាំងពីប្រជាពលរដ្ឋ ផងដែរ ។ តាមរយៈនេះពួកគាត់រំពឹងថា ចាប់ពីពេលនេះតទៅ ទីផ្សារនៃនៅក្នុងស្រុកនឹងសំបូរទៅដោយផលិតផលខ្មែរ (ខ្មែរ ចេះជួយ ខ្មែរ និងចូលរួមលើកកម្ពស់ផលិតផលរបស់ខ្មែរ)។

ទាក់ទិនចលនាភូមិ១ផលិតផល១នេះ, ឯកឧត្តមបណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិ១ ផលិតផល១ លើកឡើងថា មកដល់សព្វថ្ងៃនេះ ទាំងអ្នកលក់បន្ត និងអ្នកប្រើប្រាស់ បានកំពុងចូលរួមគាំទ្រផលិតផលខ្មែរ ក្រោមពាក្យ ស្លោកមួយថា (រួមគ្នាប្រើប្រាស់ផលិតផលខ្មែរ, ទិញផលិតផលខ្មែរគឺស្នេហាជាតិ, និងទិញផលិតផលខ្មែរឈ្នះ ឈ្នះទាំងអស់គ្នា) ជាក់ ស្តែងមកដល់ពេលនេះ ប្រជាពលរដ្ឋយើងមានការគាំទ្រយ៉ាងច្រើនកុះករ និងសូមឲ្យវប្បធម៌នេះបន្តជានិរន្ត, ការគាំទ្រផលិតផលខ្មែរ គឺជាការជួយលើកកម្ពស់ជីវភាព និងការចូលរួមក្នុងការអភិវឌ្ឍន៍សេដ្ឋកិច្ច និងសង្គម។

សូមបញ្ជាក់ថា ជុំវិញចលនាភូមិ១ ផលិតផល១ មកដល់បច្ចុប្បន្ន គណៈកម្មាធិការជាតិជំរុញចលនាភូមិ១លិតផល១ មានសមាជិក សរុបប្រមាណជាង ៦០០ ក្រុមហ៊ុន/សហគ្រាស ហើយសមាជិកនីមួយៗ មានផលិតផលសម្រាប់ចែកចាយនៅតាមទីផ្សារ ចាប់ពី១ ផលិតផលឡើងទៅ ក្នុងនោះបើគិតជាផលិតផលសរុបមានប្រមាណជាង ១ ពាន់មុខ ហើយនៅក្នុងឆ្នាំ ២០២៤ គណៈកម្មាធិការជាតិ ជំរុញចលនាភូមិ១ផលិតផល១ នឹងទទួលបានការចុះឈ្មោះជាងក្រុមហ៊ុន/សហគ្រាសបន្ថែម ដែលអាចមានផលិតផលកាន់តែច្រើន សម្រាប់លក់នៅលើទីផ្សារ៕

អត្ថបទ៖ សុន រ៉ាឌី