ក្រសួងផែនការ និងវិនិយោគ បាននិយាយថា ប្រទេសវៀតណាម មានបំណងចាប់ផ្តើមសាងសង់ផ្លូវរថភ្លើងល្បឿនលឿនចំនួនពីរតភ្ជាប់ពីរដ្ឋធានីហាណូយរបស់ខ្លួនជាមួយប្រទេសចិន មុនឆ្នាំ២០២៣ ដែលជាសញ្ញាមួយផ្សេងទៀតនៃទំនាក់ទំនងដ៏កក់ក្តៅរវាងប្រទេសជិតខាងដែលគ្រប់គ្រងដោយបក្សកុម្មុយនីស្តទាំងពីរ។

ប្រទេសចិន គឺជាដៃគូពាណិជ្ជកម្មដ៏ធំបំផុតរបស់វៀតណាម និងជាប្រភពសំខាន់នៃការនាំចូលសម្រាប់      វិស័យផលិតកម្មរបស់ខ្លួន។ ប្រទេសទាំងពីរ បានតភ្ជាប់រួចជាស្រេចតាមរយៈប្រព័ន្ធផ្លូវល្បឿនលឿន និងផ្លូវរថភ្លើងចំនួនពីរដែលចាស់ ហើយត្រូវការការកែលម្អនៅខាងវៀតណាម។

ក្រសួងបាននិយាយនៅក្នុងសេចក្តីថ្លែងការណ៍មួយថា ខ្សែរថភ្លើងល្បឿនលឿនមួយ ដែលបានគ្រោងទុកនឹងរត់ពីទីក្រុងកំពង់ផែ Haiphong និង Quang Ninh របស់វៀតណាមឆ្លងកាត់ទីក្រុងហាណូយទៅកាន់ខេត្ត Lao Cai ដែលមានព្រំប្រទល់ជាប់ខេត្ត Yunan របស់ប្រទេសចិន។

ខ្សែរថភ្លើងមួយទៀត នឹងរត់ពីទីក្រុងហាណូយទៅកាន់ខេត្ត Lang Son ដែលមានព្រំប្រទល់ជាប់តំបន់ Guangxi របស់ប្រទេសចិន ដោយឆ្លងកាត់តំបន់ដែលមានប្រជាជនរស់នៅយ៉ាងច្រើន ជាមួយនឹងរោងចក្រផលិតសកលជាច្រើន រួមទាំងមួយចំនួនទៀតកាន់កាប់ដោយអ្នកវិនិយោគចិនផងដែរ។