មេដឹកនាំចិនលោក ស៊ី ជីនពីង (Xi Jinping) បានជួបពិភាក្សាដ៏កម្រកាលពីថ្ងៃពុធ ជាមួយអតីតមេ     ដឹដឹកនាំកោះតៃវ៉ាន់ដែលគាំទ្រទំនាក់ទំនងជិតស្និទ្ធជាមួយប្រទេសចិន ជាកិច្ចប្រជុំមិនធម្មតាមួយ រយៈពេលប៉ុន្មានសប្តាហ៍ មុនពេលមេដឹកនាំថ្មីរបស់កោះប្រជាធិបតេយ្យនេះ ស្បថចូលកាន់តំណែង។

ទូរទស្សន៍រដ្ឋ CCTV បានរាយការណ៍ថា លោក Ma Ying-jeou ដែលបានដឹកនាំកោះតៃវ៉ាន់ពីឆ្នាំ ២០០៨ ដល់ឆ្នាំ ២០១៦ ហើយបច្ចុប្បន្នកំពុងនៅទីក្រុងប៉េកាំងក្នុងដំណើរទស្សនកិច្ចរយៈពេល ១១ថ្ងៃ នៅទូទាំងប្រទេសចិន បានជួបលោកស៊ី កាលពីរសៀលថ្ងៃពុធ។

ពេលវេលាដែលបានរៀបចំយ៉ាងប្រុងប្រយ័ត្ន គឺស្ថិតនៅក្នុងនិមិត្តរូបនយោបាយ៖ វាជាលើកទី១ហើយដែលអតីតមេដឹកនាំកោះតៃវ៉ាន់ ត្រូវបានមេដឹកនាំកំពូលរបស់ចិនធ្វើជាម្ចាស់ផ្ទះ នៅក្នុងទីក្រុងប៉េកាំងចាប់តាំងពីមេដឹកនាំចលនា Kuomintang (KMT) លោក Chiang Kai-shek បានភៀសខ្លួនទៅទីក្រុងតៃប៉ិ ក្នុងឆ្នាំ១៩៤៩។

នេះក៏ជាជំនួបលើកដំបូងរវាងលោកស៊ី និងអតីតមេដឹកនាំ KMT លោក Ma ចាប់តាំងពីកិច្ចប្រជុំកំពូលជាប្រវត្តិសាស្ត្ររបស់ពួកគេ នៅប្រទេសសិង្ហបុរី ក្នុងឆ្នាំ ២០១៥។

ប៉ុន្តែការជួបជុំគ្នារបស់ពួកគេ ក៏បង្ហាញពីការបែកបាក់ផ្នែកនយោបាយដ៏ធំទូលាយ នៅទូទាំងច្រក       សមុទ្រតៃវ៉ាន់ ហើយរបៀបដែលអាកប្បកិរិយាកាន់រឹងរូសរបស់លោកស៊ីចំពោះទីក្រុងតៃប៉ិ បានជំរុញប្រជាជនតៃវ៉ាន់កាន់តែច្រើន ចេញពីប្រទេសចិន។

នៅក្នុងសុន្ទរកថាបើករបស់ខ្លួន លោកស៊ី បានសរសើរលោក Ma ចំពោះការប្រឆាំងនឹង«ឯករាជ្យភាពតៃវ៉ាន់»ជំរុញការផ្លាស់ប្តូរឆ្លងកាត់ច្រកសមុទ្រ និងយល់ព្រមថា ផ្នែកទាំងពីរនៃច្រកសមុទ្រនេះ ជាកម្មសិទ្ធិរបស់«ចិនតែមួយ»។