អ្នកនាំពាក្យរដ្ឋាភិបាលអាហ្វហ្គានីស្ថាន បាននិយាយថា មេដឹកនាំកំពូលមិនសូវចេញមុខចេញមាត់របស់ក្រុមតាលីបង់ បានបង្ហាញខ្លួនជាសាធារណៈដ៏កម្រកាលពីថ្ងៃពុធ ដោយបានរិះគន់សហគមន៍អន្តរជាតិ នៅក្នុងសុន្ទរកថាសម្រាប់ការរិះគន់ការគ្រប់គ្រងរបស់ខ្លួន។

លោក Hibatullah Akhundzada បានបង្ហាញខ្លួនជាសាធារណៈតិចតួចប៉ុណ្ណោះ ចាប់តាំងពីទទួលបាន ភាពជាអ្នកដឹកនាំរបស់ក្រុមតាលីបង់ក្នុងឆ្នាំ ២០១៦ ហើយបានដឹកនាំចលនានេះត្រឡប់ទៅកាន់អំណាចវិញ នៅពេលសហរដ្ឋអាមេរិកដកទ័ព នៅឆ្នាំ ២០២១។

ក្នុងរយៈពេល ៣ឆ្នាំកន្លងមកនេះ «មេដឹកនាំ»របស់ក្រុមតាលីបង់ បានគ្រប់គ្រងដោយក្រឹត្យ ដោយអនុវត្តចក្ខុវិស័យដ៏តឹងរ៉ឹងនៃសាសនាឥស្លាម ដែលភាគច្រើន បានរារាំងប្រទេសអាហ្វហ្គានីស្ថាន នៅលើឆាកពិភពលោក។

នៅក្នុងសុន្ទរកថាជាសំឡេងរយៈពេល ៣៥នាទី ដែលចេញផ្សាយដោយអ្នកនាំពាក្យរដ្ឋាភិបាលតាលីបង់ លោក Akhundzada បាននិយាយថា ប្រទេសដែលពាក់ព័ន្ធនឹងការឈ្លានពានដែលដឹកនាំដោយសហរដ្ឋអាមេរិក នៅតែវាយប្រហារអាហ្វហ្គានីស្ថានជាមួយនឹង «ការឃោសនា» និង «យុទ្ធសាស្ត្រដ៏អាក្រក់»។

លោកបាននិយាយថា៖«ថ្ងៃនេះគេចង់ចែកឲ្យអ្នកដឹង» នេះបើយោងតាមសន្ទរកថាជាសំឡេងនោះ។ «ពួកគេបន្ទោសក្រុមមេដឹកនាំថា មានកំហុស ដោយនិយាយថា ពួកគេមិនអាចគ្រប់គ្រងបាន»។

លោកបានបន្ថែមថា៖«កុំទុកឲ្យមនុស្សមិនស្មោះត្រង់ទាំងនេះ នាំអ្នកយល់ខុស»។ «នៅប្រយ័ត្នចំពោះពួកគេ ពួកគេនឹងបោកបញ្ឆោតអ្នក គេចង់ធ្វើឲ្យអ្នកបរាជ័យ»។