ប្រធានក្រុមហាម៉ាសលោក អ៊ីស្មេល ហានីយ៉េ (Ismail Haniyeh) បាននិយាយថា ក្រុមប៉ាឡេស្ទីន នឹងមិនចាកចេញពីទីតាំងរបស់ខ្លួនលើការចរចាបទឈប់បាញ់ដែលជាប់គាំង បន្ទាប់ពីកងកម្លាំងអ៊ីស្រាអែលបានសម្លាប់កូនរបស់ខ្លួនបីនាក់ និងចៅ៤នាក់នៅតំបន់ហ្កាហ្សាភាគខាងជើង កាលពីថ្ងៃពុធ។

លោកហានីយ៉េដែលមានមូលដ្ឋាននៅប្រទេសកាតា បានបញ្ជាក់ពីការស្លាប់របស់កូនប្រុសរបស់ខ្លួន គឺHazem, Amir និង Mohammed ដែលលោកបាននិយាយថា បានទៅលេងសាច់ញាតិសម្រាប់ពិធីបុណ្យ Eid al-Fitr ដែលជាការប្រារព្ធពិធីចុងបញ្ចប់នៃបុណ្យរ៉ាម៉ាដាន នៅជំរុំជនភៀសខ្លួន Shati នៅពេលដែលពួកគេ ត្រូវបានកំណត់គោលដៅ។ ក្រុមហាម៉ាស ក៏បាននិយាយនៅក្នុងសេចក្តីថ្លែងការណ៍មួយថា ចៅៗរបស់លោកហានីយ៉េចំនួន ៤នាក់ រួមមាន Mona, Amal, Khaled និង Razan ដែលមិនបានបង្ហាញ អាយុទេ ត្រូវបានសម្លាប់រួមជាមួយឪពុកម្តាយរបស់ពួកគេ នៅក្នុងការវាយប្រហារថ្ងៃបុណ្យ ដែលការិយាល័យប្រព័ន្ធផ្សព្វផ្សាយរដ្ឋាភិបាលហ្កាហ្សាហៅថា «ការសម្លាប់រង្គាល»។

លោកហានីយ៉ បាននិយាយក្នុងប្រតិកម្មទៅនឹងព័ត៌មាន នៅក្នុងសេចក្តីថ្លែងការណ៍មួយចេញផ្សាយដោយក្រុមហាម៉ាសថា «ប្រជាជនរបស់យើងទាំងអស់ និងក្រុមគ្រួសារទាំងអស់របស់អ្នកស្រុកហ្កាហ្សា បានចំណាយប្រាក់យ៉ាងច្រើនពីឈាមរបស់កូនរបស់ពួកគេ ហើយខ្ញុំគឺជាម្នាក់ ក្នុងចំណោមពួកគេ»។

កងកម្លាំងការពារអ៊ីស្រាអែល (IDF) បានបញ្ជាក់ថា ខ្លួនបានកំណត់គោលដៅ និងសម្លាប់កូនប្រុសទាំងបីរបស់លោកហានីយ៉េដែលពិពណ៌នាថា ជា«ប្រតិបត្តិការយោធារបស់ហាម៉ាស ដែលធ្វើសកម្មភាពភេរវកម្ម»។ នៅក្នុងសេចក្តីថ្លែងការណ៍របស់ខ្លួន IDFមិនបាននិយាយអំពីចៅៗរបស់លោកហានីយ៉េ ដែលចូលរួមក្នុងការរាយការណ៍ថា មានកុមារជាង ១0.000នាក់ បានបាត់បង់ជីវិតក្នុងសង្គ្រាមនៅតំបន់ហ្កាហ្សានោះទេ។