អ្នកធ្វើដំណើរចេញពីរាជធានីភ្នំពេញ ទៅកាន់ខេត្ដសៀមរាប បានសម្ដែងការរីករាយ និងបានថ្លៃ​អំណរគុណ​ដល់រាជរដ្ឋាភិបាលដែលបានយកចិត្ដទុកដាក់ ផ្ដល់សេវារថយន្ដក្រុងដោយមិនគិតថ្លៃ ក្នុងពិធីបុណ្យចូលឆ្នាំថ្មីប្រពៃណីខ្មែរ។

ប្រជាពលរដ្ឋបានលើកឡើងស្រដៀងគ្នានៅថ្ងៃទី១៣ ខែមេសាឆ្នាំ២០២៣នេះថា សេវារថយន្ដ​ក្រុង​ដោយមិនគិថ្លៃនេះ បានធ្វើឱ្យពួកគាត់កាត់បន្ថយការចំណាយ ខណៈដែល​ការធ្វើដំណើរពី​ភ្នំពេញ​ទៅកាន់ខេត្ដសៀមរាប តាមរថយន្ដឈ្នួល ត្រូវចំណាយថវិកាច្រើន។ពួកគាត់បានបន្ដថា រថយន្ដក្រុងរបស់រាជរដ្ឋាភិបាលនេះ មានផាសុខភាព អ្នកបើកបរក៍មានសុជីវធម៌ល្អផងដែរ ដែល​នេះជាការគិតគូររបស់រាជរដ្ឋាភិបាល ជួយកាត់បន្ថយការចំណាយរបស់ប្រជាពលរដ្ឋមួយផ្នែក សម្រាប់​យកទៅប្រើប្រាស់ក្នុងពិធីចូលឆ្នាំថ្មី។

គួរបញ្ជាក់​ផងដែរថា ការធ្វើដំណើរតាមរថយន្តក្រុង ដែលផ្ដល់ដោយរាជរដ្ឋាភិបាល សរុបចំនួន ៤៥៥គ្រឿងនឹងដឹកជញ្ជូនប្រជាពលរដ្ឋទូទៅ ដែលមានបំណងទៅលេងស្រុកកំណើត ឬទៅតាម​បណ្ដាខេត្តផ្សេងៗ ក្នុងអំឡុងពេលពីធីបុណ្យចូលឆ្នាំថ្មីប្រពៃណីខ្មែរ ដោយឥតគិតថ្លៃ ដែល​រយៈពេល ០៦ថ្ងៃ ចាប់ពីថ្ងៃទី១២ ដល់ ១៧ ខែមេសា ឆ្នាំ២០២៤ ក្នុងនោះរថយន្ដចំនួន ១៣៥គ្រឿង ដែលនឹងធ្វើដំណើរមកកាន់ខេត្តសៀមរាប៕