អុីស្រាអែល ៖ អ្នកនាំពាក្យយោធាអ៊ីស្រាអែល លោកឧត្ដមនាវីឯក ដានីញ៉ែល ហាហ្ការី (Daniel Hagari) បាននិយាយនៅព្រឹកថ្ងៃអាទិត្យនេះថា អ៊ីរ៉ង់បានចាប់ផ្ដើមវាយប្រហាយានដ្រូនជាង២០០គ្រឿងនិងម៉ាស៊ីលជាច្រើនគ្រាប់ដាក់ប្រទេសអ៊ីស្រាអែលតាំងពីថ្ងៃសៅរ៍មកម៉្លេះ។

នៅក្នុងសេចក្ដីថ្លែងការមួយដែលផ្សាយតាមទូរទស្សន៍ លោកហាហ្ការីបានព័ត៌នាថា ភាគច្រើនគឺចេញមកពីការគម្រាមកំហែងមុនខណ:ដែលយានដ្រូន និងមីស៊ីលត្រូវបានស្ទាក់ចាប់ចេញពីព្រំដែនអ៊ីស្រាអែល ប៉ុន្ដែបានបន្ថែមថា សកម្មភាពឈ្លានពាននៅតែបន្ដ។

លោកបានបន្ថែមថា មីស៊ីលមួយចំនួនតូចក្នុងមីស៊ីលរាប់សិបគ្រឿងរបស់អ៊ីរ៉ង់ដែលវាយប្រហាអ៊ីស្រាអែល បានធ្លាក់ដល់ដី បណ្ដាលអោយក្មេងស្រីម្នាក់រងរបួស និងបានធ្វើអោយខូចខាតស្រាលដល់អង្គភាពស៊ើបការណ៍យោធាមួយនៅភាកខាងត្បូង។