គណបក្សមួយចំនួននៅប្រទេសហៃទី គ្រោងបង្កើតក្រុមប្រឹក្សាគ្រប់គ្រងដែលរង់ចាំជាយូរមកហើយបានអំពាវនាវឲ្យស្ថាប័ននេះត្រូវបង្កើត«ឲ្យបានឆាប់តាមដែលអាចធ្វើទៅបាន" ដោយចោទប្រកាន់នាយករដ្ឋមន្ត្រីដែលចាកចេញអំពីការផ្លាស់ប្តូរលក្ខខណ្ឌនៃកិច្ចព្រមព្រៀងមុនរបស់ពួកគេ។

សេចក្តីថ្លែងការណ៍នេះ បានធ្វើឡើងបន្ទាប់ពីក្រឹត្យមួយ នៅក្នុងសារាចរផ្លូវការរបស់ប្រទេសហៃទី បានប្រកាសពីការបង្កើតក្រុមប្រឹក្សាកាលពីថ្ងៃសុក្រ មួយខែបន្ទាប់ពីលោកនាយករដ្ឋមន្ត្រី Ariel Henry បាននិយាយថា លោកនឹងចុះចេញពីតំណែង ចំពេលមានការវាយប្រហារដោយក្រុមជនប្រដាប់អាវុធ នៅក្នុងរដ្ឋធានីនេះ។

ក្រុមប្រឹក្សានេះ គឺមានគោលបំណងធានាឲ្យមានការផ្លាស់ប្តូរដោយរលូន ខណៈដែល លោកHenryដែលជាមេដឹកនាំដែលមិនជាប់ឆ្នោតរបស់ប្រទេសហៃទី ចាប់តាំងពីការធ្វើឃាតលោកប្រធានាធិបតី Jovenel Moise នៅឆ្នាំ ២០២១ លាលែងពីតំណែង ដោយត្រួសត្រាយផ្លូវសម្រាប់ការបោះឆ្នោតប្រធានាធិបតីថ្មី។

ប៉ុន្តែការបង្កើតក្រុមប្រឹក្សានេះ ត្រូវបានពន្យារពេលដោយមានជម្លោះផ្នែកនយោបាយជាច្រើនសប្តាហ៍ ហើយក្រឹត្យកាលពីថ្ងៃសុក្រ ហាក់ដូចជាបង្កឲ្យមានភាពមិនចុះសម្រុងគ្នា កាន់តែខ្លាំងឡើង។

នៅក្នុងអត្ថបទចុះកាលបរិច្ឆេទកាលពីថ្ងៃសៅរ៍ ក្រុមទាំង៩ និងបណ្តាគណបក្សនយោបាយ ដែលនឹងត្រូវបានតំណាង នៅក្នុងក្រុមប្រឹក្សានេះ បាននិយាយថា ពួកគេ«មានការតក់ស្លុតយ៉ាងខ្លាំង»ចំពោះក្រឹត្យនេះ។