ប្រជាពលរដ្ឋជាច្រើននាក់មកពីតាមបណ្តាលមូលដ្ឋាននានា ភាគច្រើនជាយុវជន យុវនារី បាន​បន្ត​រាំ​លេង​កម្សាន្តសប្បាយរីករាយ នៅទីតាំងតំបន់សើម វិមានឯករាជ្យ ស្ថិតក្នុងក្រុងសំរោងខេត្ត ឧត្តរមានជ័យ នៃព្រឹត្តិការសង្រ្កាន្តឆ្នាំថ្មី នារសៀលថ្ងៃទី១៥ មេសាឆ្នាំ២០២៤នេះ ដើម្បី​ចូល​រួម​អបអរ​ពិធីបុណ្យចូលឆ្នាំឆ្នាំប្រពៃណីជាតិខ្មែរ។

ក្នុងព្រឹត្តិការណ៍សង្រ្កាន្តនេះដែររដ្ឋបាលខេត្ត និងរដ្ឋបាលក្រុងបាន​រៀបចំ​ឲ្យ​មាន​ព្រឹត្តិការណ៍​សង្រ្កាន្ត​ឆ្នាំថ្មីនេះ​ឡើង ដើម្បីឱ្យប្រជាពលរដ្ឋមកចូលរួមលេងកម្សាន្ត សប្បាយរីករាយប្រកប​ដោយ​សុខ​សុវត្ថិភាពក្នុងឱកាសបុណ្សចូលឆ្នាំថ្មីប្រពៃណីជាតិ។

សូមបញ្ជាក់ថា ព្រឹត្តិការណ៍ សង្ក្រាន្តឧត្តរមានជ័ មានរយៈពេល៤ថ្ងៃនេះ និងរដ្ឋបាល​ខេត្ត​ក្រុង​បាន​រៀប​ចំ កិច្ចប្រពៃណីសាសនា និងការលេងល្បែងប្រជាប្រិយខ្មែរ ការប្រគំតន្ត្រីសម័យ-បូរាណ​រាំលេ​ង​កម្សាន្តរួមជាមួយនឹងការចូលរួមរៀបចំការប្រគុំតន្ត្រីសម័យ ការតាំង លក់ផលិតផលប្រើប្រាស់ គ្រឿង​ឧបភោគ-បរិភោគ និងល្បែងកម្សាន្តកុមារផងដែរ។

ក្នុងឱកាស​សង្ក្រាន្តឆ្នាំថ្មីរយៈពេល៤ថ្ងៃនេះ រដ្ឋបាលខេត្តឧត្តរមានជ័យ ក៏បានរៀបចំ​កង​កម្លាំង​រក្សា​សន្ដិសុខ សណ្ដាប់ធ្នាប់ល្អជូនដល់ប្រជាពលរដ្ឋមកលេងកម្សាន្តផងដែរ។ ខណៈប្រទេស​កម្ពុជា​អាច​រៀប​ចំ​មហាព្រឹត្តិការណ៍ចូលឆ្នាំថ្មីប្រពៃណីជាតិខ្មែរនេះ ទៅបានគឺកើត​ឡើង​ដោយ​កត្តា​សន្តិភាព សេរីភាព សន្តិសុខសង្គមរបស់ប្រទេសកម្ពុជា ក្រោមការដឹកនាំរបស់សម្ដេចតេជោ ហ៊ុន សែន អតីតនាយករដ្ឋមន្រ្ដី និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃ​កម្ពុ​ជា​បាន​ដឹកនាំប្រទេសជាតិប្រកបដោយភាពឈ្លាសវៃ មានការអភិវឌ្ឍ​រីក​ចម្រើន​ជា​បន្ត​បន្ទាប់​លើ​គ្រប់​វិស័យ​៕