សៀមរាប៖ ភ្ញៀវទេសចរជាតិ និងអន្តរជាតិប្រមាណជិត៥០ម៉ឺននាក់ បានមកកម្សាន្តនៅក្នុង​ព្រឹត្តិការណ៍​​សៀមរាបសង្ក្រាន្ត នៃ​​ពិធី​ចូលឆ្នាំថ្មី​ប្រពៃណីជាតិខ្មែរ ថ្ងៃទី១៥ ខែមេសា ឆ្នាំ២០២៤ ។

យោងតាមរបាយការណ៍របស់លោក ធិម សេរីវុឌ្ឍ ប្រធានស្តីទីមន្ទីរទេសចរណ៍ខេត្តសៀមរាប បាន​ឲ្យ​ដឹងថា នៅថ្ងៃទី១៥ មេសា ដែលជាថ្ងៃទី៣នៃព្រឹត្តិការណ៍សៀមរាបសង្ក្រាន្ត ភ្ញៀវទេសចរ​មាន​ចំនួន​ប្រមាណ ៤៩០,១៨៤ នាក់ បានមកកម្សាន្តនៅតំបន់ទេសចរណ៍នានា ក្នុងខេត្ត​សៀមរាប ក្នុងនោះ មានភ្ញៀវទេសចរបរទេសចំនួន ៥,១៨៤ នាក់ និងភ្ញៀវទេសចរជាតិ និង​បង​ប្អូន​ប្រជាពលរដ្ឋមានចំនួន ប្រមាណ ៤៨៥,០០០ នាក់ ។ យោងតាមរបាយការណ៍ដដែល បាន​ឲ្យដឹងថា សម្រាប់រយៈពេល ០៣ ថ្ងៃ នៃថ្ងៃបុណ្យចូលឆ្នាំថ្មីប្រពៃណីខ្មែរ ភ្ញៀវទេសចរ និងបង​ប្អូន​ប្រជា​ពលរដ្ឋដើរលេងកម្សាន្តក្នុងខេត្តសៀមរាប សរុបមានចំនួនប្រមាណ ៩៥៥,៩៩១ នាក់ ក្នុង​នោះ ភ្ញៀវទេសចរបរទេសមានចំនួន ១២,៩៩១ នាក់ និងភ្ញៀវទេសចរជាតិ និង​បង​ប្អូន​ប្រជា​ពលរដ្ឋ​មាន​ចំនួន ប្រមាណ ៩៤៣,០០០ នាក់ ៕