បន្ទាយមានជ័យ​ ៖​ ភ្ញៀវទេសចរធ្វើដំណើរកម្សាន្តនាឱកាសចូលឆ្នាំថ្មីប្រពៃណីជាតិ ក្នុងថ្ងៃទី១៥​ ខែមេសា​ ឆ្នាំ២០២៤(ថ្ងៃទី៣) សរុបមានចំនួន ២៤១.៥៥៦នាក់ ភ្ញៀវជាតិមានចំនួន ២៤០.៤៨៧នាក់ ភ្ញៀវបរទេសចំនួន១.០៦៩នាក់ (ភាគច្រើនជនជាតិចិន ជនជាតិថៃ ជនជាតិ​ឥណ្ឌូណេស៊ី និងជនជាតិអ៊ឺរ៉ុបនៅតំបន់ប៉ោយប៉ែត)។ នេះបើតាមការបញ្ជាពីលោក ឈឿន​ សេរីវុធ ប្រធានទេសចរណ៍ខេត្តបន្ទាយមានជ័យ​ បានប្រាប់ឱ្យដឹងនៅព្រឹកថ្ងៃទី១៦​ ខែមេសា​ ឆ្នាំ២០២៤។

លោក​ ប្រធានទេសចរណ៍ខេត្ត​ ក៏បានបញ្ជាក់ថា​ ក្នុងចំណោមរមណីយដ្ឋានតំបន់​ទេសចរ​ណ៍​ភ្ញៀវ​ទេសចរ​មកលេងច្រើនជាងគេគឺ សួនតេជោឈ្នះ​ឈ្នះ ​ចំនួន៧២.៥៣៩​នាក់​(ក្នុ​ង​នោះ​ភ្ញៀវ​អន្តរជា​តិ ចំនួន០៤នាក់),​ ប្រាសាទបន្ទាយឆ្មារ ចំនួន៨.៦៤៩នាក់,​ អាងជើងគ្រុស ចំនួន២.៣៥៦នាក់,​ ស្ពាន​ភ្ជាប់និស្ស័យបារាយមេបុណ្យ ចំនួន ២.៦១៥នាក់,​ ក្រុងប៉ោយប៉ែត(តំបន់ដើមពុទ្ទ្រា) ចំនួន ២២.៣០០នាក់ (ក្នុងនោះបរទេសចំនួន១.០៦៥ នាក់)។ អាងត្រពាំងថ្ម ចំនួន២.៣០០នាក់,​ វត្ត​ភ្នំតូច ចំនួន១២.៤២៥នាក់,​ អូរខៃដន ចំនួន៤២៣នាក់,​ ដុងអរញ្ញ ចំនួន៤៦៧នាក់,​ សួន​ស្នេហ៍​ជន​បទ ចំនួន៤៨២នាក់,​ តំបន់ផ្សេងៗ(វត្តអារាមនានាក្នុងខេត្ត) ចំនួន ១១៦.០០០នាក់ ។

សូមបញ្ជាក់ផងដែរថា​ រយៈពេល៣ថ្ងៃ​ ក្នុងឱកាសពិធីបុណ្យចូលខ្មែរឆ្នាំ២០២៤​ ភ្ញៀវទេសចរ​សរុប​ចំនួន​ ៥៥៨.៤៧៥នាក់។ ដោយឡែកនៅកាលពីឆ្នាំ២០២៣​ ក្នុងរយៈពេល៣ថ្ងៃ​ដូចគ្នា​ភ្ញៀវ​ទេសចរ​សរុប​ចំនួន ៦៥០.០១៣នាក់ ក្នុងនោះបរទេសចំនួន ១.៥៤២នាក់៕​ អត្ថបទ​ រឿង​ ចន្ទ្រា