នាយសេនាធិការកងទ័ពអ៊ីស្រាអែល កាលពីថ្ងៃចន្ទបានព្រមានថា អ៊ីរ៉ង់នឹងប្រឈមមុខផលវិបាកសម្រាប់ទង្វើរបស់ខ្លួន បន្ទាប់ពីការវាយប្រហារមិនធ្លាប់មានពីមុនមកកាលពីចុងសប្តាហ៍ទៅលើអ៊ីស្រាអែល។ សេចក្តីថ្លែងការណ៍តាមវីដេអូរបស់នាយសេនាធិការ លោក ហឺហ្សី ហាឡេវី(Herzi Halevi) បានធ្វើឡើងក្នុងពេលមានការអំពាវនាវឱ្យមានការអត់ធ្មត់ដោយសម្ព័ន្ធមិត្តដើម្បីបញ្ចៀសការរីកធំនៃជម្លោះនៅមជ្ឈិមបូព៌ា។

សារព័ត៌មាន Reuters ពុំអាចផ្ទៀងផ្ទាត់ដោយឯករាជ្យចំពោះទីតាំង ឬកាលបរិច្ឆេទ ដែលសេចក្តីថ្លែងការណ៍ត្រូវបានធ្វើឡើងនោះទេ។ ប្រភពព័ត៌មានពីរដ្ឋាភិបាលបាននិយាយថា នាយករដ្ឋមន្ត្រី លោក Benjamin Netanyahu បានកោះប្រជុំគណៈរដ្ឋមន្ត្រីទទួលបន្ទុកសង្គ្រាមរបស់លោកជាលើកទីពីរក្នុងរយៈពេលមិនដល់២៤ម៉ោងនោះទេ ដើម្បីថ្លឹងថ្លែងរកវិធីប្រតិកម្មទៅនឹងការវាយប្រហារដោយផ្ទាល់លើកដំបូងមិនធ្លាប់មានរបស់ប្រទេសអ៊ីរ៉ង់ទៅលើអ៊ីស្រាអែល។

ការវាយប្រហាររបស់អ៊ីរ៉ង់ធ្វើឡើងដោយយានដ្រូននិងមីស៊ីលជាង ៣០០គ្រាប់ ហើយបានចាប់ផ្តើមជាការសងសឹកចំពោះការវាយប្រហារតាមអាកាសរបស់អ៊ីស្រាអែលដែលសង្ស័យទៅលើបរិវេណស្ថានទូតរបស់ខ្លួនក្នុងទីក្រុងដាម៉ាស់ កាលពីថ្ងៃទី ១ ខែមេសា។

មន្ត្រីបាននិយាយកាលពីថ្ងៃអាទិត្យថា ការប្រុងប្រយ័ត្នចំពោះសង្រ្គាមបើកចំហររវាងអ៊ីស្រាអែល និងអ៊ីរ៉ង់ ប្រធានាធិបតី លោក Joe Biden បានប្រាប់លោក Netanyahu ថាសហរដ្ឋអាមេរិកនឹងមិនចូលរួមក្នុងការវាយលុកណាមួយរបស់អ៊ីស្រាអែលទៅលើអ៊ីរ៉ង់នោះទេ។

ចាប់តាំងពីការចាប់ផ្តើមសង្រ្គាមនៅតំបន់ហ្កាហ្សាកាលពីថ្ងៃទី ៧ ខែតុលា ការប៉ះទង្គិចគ្នាច្រើនលើកបានផ្ទុះឡើងរវាងក្រុមដែលគាំទ្រដោយអ៊ីស្រាអែល និងអ៊ីរ៉ង់ នៅក្នុងប្រទេសលីបង់ ស៊ីរី យេម៉ែន និងអ៊ីរ៉ាក់។