យោងតាមរបាយការណ៍បានឱ្យដឹងថា ទឹកជំនន់បង្កឡើងដោយភ្លៀងធ្លាក់ខ្លាំងក្នុងប្រទេសអាហ្វហ្គានីស្ថានបានបំផ្លាញដំណាំ និងហេដ្ឋារចនាសម្ព័ន្ធ ព្រមទាំងបានធ្វើឱ្យមនុស្សមួយចំនួនស្លាប់ និងរបួស។

នៅក្នុងភូមិនានារបស់ស្រុក ឡាល់ពួរ (Lalpur) នៃ ខេត្ត ណានហ្កាហា (Nangarhar) ប្រជាពលរដ្ឋបានកាយកំទេចកំទីនៅតាមផ្ទះសម្បែងរបស់ពួកគេដែលត្រូវបានបំផ្លាញដោយទឹកជំនន់ ស្របពេលពួកគេព្យាយាមទាញយកគោក្របី និងរបស់របរដែលកប់នៅក្រោមល្បាប់។

លោក Mohammad Abdullah Jan Saiq អ្នកនាំពាក្យក្រុមតាលីបង់ បាននិយាយតាមសេចក្តីរាយការណ៍ថា យ៉ាងហោចណាស់មនុស្ស ៣៣ នាក់បានស្លាប់នៅក្នុងទឹកជំនន់ និង ២៧ នាក់ផ្សេងទៀតបានរងរបួស។

លោក Dost Nabi អ្នកភូមិ Gulag  បាននិយាយថា យប់មិញមានទឹកជំនន់នៅម៉ោងប្រហែល៣ ហើយមានពពែបីក្បាលនៅក្នុងបន្ទប់នេះត្រូវបានបាត់។ 

ប្រជាជនកំពុងកាយយកសត្វនិងរបស់របររបស់ខ្លួនចេញពីក្រោមល្បាប់ ។ជញ្ជាំងផ្ទះទាំងអស់ត្រូវបានបំផ្លាញ ហើយត្រូវការសាងសង់ឡើងវិញ៕