ប្រជាជនអ៊ីរ៉ង់ បានមកប្រមូលផ្តុំគ្នាកាលពីថ្ងៃចន្ទ នៅក្នុងរដ្ឋធានីតេអេរ៉ង់ ប្រទេសអេរ៉ង់ ដែលបង្ហាញពីការគាំទ្ររបស់ពួកគេចំពោះការវាយប្រហារដោយយានដ្រូន និងមីស៊ីលរបស់ខ្លួនលើប្រទេសអ៊ីស្រាអែល កាលពីចុងសប្តាហ៍កន្លងទៅនេះ។
អ៊ីរ៉ង់ បានបង្ហោះយានដ្រូនផ្ទុកដោយគ្រឿងផ្ទុះ និងបាញ់មីស៊ីលទៅលើប្រទេសអ៊ីស្រាអែល កាលពីល្ងាចថ្ងៃសៅរ៍ ទី១៣ ខែមេសា ក្នុងការវាយប្រហារដោយផ្ទាល់លើកដំបូងរបស់ខ្លួនទៅលើទឹកដីអ៊ីស្រាអែល ជាការវាយប្រហារសងសឹកដែលបានបង្កើនការគំរាមកំហែងនៃជម្លោះក្នុងតំបន់កាន់តែរីកធំ ខណៈសហរដ្ឋអាមេរិកបានសន្យាគាំទ្រយ៉ាងរឹងមាំសម្រាប់ប្រទេសអ៊ីស្រាអែល។
ប្រទេសអ៊ីរ៉ង់ បានប្តេជ្ញាសងសឹកចំពោះអ្វីដែលខ្លួនបានចាត់ទុកថាជាការវាយប្រហាររបស់អ៊ីស្រាអែលលើស្ថានកុងស៊ុលរបស់ខ្លួននៅទីក្រុងដាម៉ាស ប្រទេសស៊ីរី កាលពីថ្ងៃទី ១ ខែមេសា ដែលបានសម្លាប់មន្ត្រីកងឆ្មាំបដិវត្តន៍អ៊ីស្លាម ៧ នាក់ រួមទាំងមេបញ្ជាការជាន់ខ្ពស់ពីរនាក់។
ទីក្រុង តេអេរ៉ង់ បាននិយាយថាការវាយប្រហាររបស់ខ្លួន គឺជាការដាក់ទណ្ឌកម្មសម្រាប់ ឧក្រិដ្ឋកម្មរបស់អ៊ីស្រាអែល។