ពលរដ្ឋប៉ាឡេស្ទីនដែលត្រូវបានភៀសខ្លួនចេញពីផ្ទះសម្បែងដោយសារសង្រ្គាម បានវិលត្រឡប់ទៅភាគខាងតំបន់ហ្កាហ្សាវិញកាលពីថ្ងៃចន្ទទី១៦មេសា ក្នុងការប៉ុនប៉ងវិលត្រឡប់ទៅកាន់ទីជម្រករបស់ខ្លួនវិញ ក្រោយសង្រ្គាមដែលនៅតែបន្តជាង៦ខែរបស់អ៊ីស្រាអែល។
មនុស្សដ៏ច្រើននាំគ្នាដើរនៅតាមមាត់សមុទ្រ វ៉ាឌីហ្កាហ្សា (Wadi Gaza) នៅក្នុងតំបន់ជំរំនូសេរ៉ាត់ (Nusseirat) ដែលបានខណ្ឌចែកហ្កាហ្សាខាងជើង ពីខាងត្បូង ក្នុងក្ដីសង្ឃឹមថាអាចនឹងត្រូវគេអនុញ្ញាតឲ្យឆ្លងត្រឡប់ទៅផ្ទះរបស់ខ្លួនវិញ។
មនុស្សមួយចំនួនធ្វើដំណើរដោយថ្មើរជើង ខណៈអ្នកផ្សេងទៀត ជិះគង់ រទះ ឬរទេះអូសទាញដោយសត្វលា ដើម្បីដឹកជញ្ជូនរបស់របរនិងការធ្វើដំណើររបស់ពួកគេ។
នៅតែគ្មានការចង្អុលបង្ហាញច្បាស់លាស់ពីទាហានអ៊ីស្រាអែល អំពីលទ្ធភាពរបស់ក្រុមគ្រួសារនានាដែលបានជម្លៀសខ្លួនចេពីការវាយប្រយុទ្ធគ្នា ក្នុងការវិលត្រឡប់ទៅកាន់លំនៅឋានរបស់ពួកគេវិញ។
មនុស្សជិត២,៣លាននាក់របស់ដែនដីហ្កាហ្សា ពេលបច្ចុប្បន្នេះ ត្រូវបានភៀសខ្លួនចេញពីផ្ទះសម្បែង ដោយសារសង្រ្គាមរវាងក្រុមហាម៉ាសប៉ាឡេស្ទីន និងអ៊ីស្រាអែល ៕