យោងតាមការធ្វើបច្ចុប្បន្នភាពចុងក្រោយស្តីពីជម្លោះ បានឲ្យដឹងថា រុស្ស៊ី កាលពីថ្ងៃចន្ទបានបំផ្លាញកាំភ្លើងធំផ្លោង L-119 ផលិតនៅអង់គ្លេស នៅក្នុងតំបន់ប្រតិបត្តិការសឹកពិសេសជាលើកដំបូង ខណៈអ៊ុយក្រែនបានវាយប្រហារប៉ុស្តិ៍ទីបញ្ជាការរបស់រុស្ស៊ី។
ក្រសួងការពារជាតិរុស្ស៊ី បាននិយាយថា កងទ័ពរុស្ស៊ី បានបំផ្លាញទីបញ្ជាការកងវរសេនាតូច ប៉ុស្តិ៍សង្កេតការណ៍របស់កងពលតូចឆ្មាំជាតិអ៊ុយក្រែន និងបានបាញ់ទម្លាក់យានដ្រូនរបស់អ៊ុយក្រែន ចំនួន ២៧០ គ្រឿង និងគ្រាប់រ៉ុក្កែតចំនួន៦គ្រប់នៃប្រព័ន្ធរ៉ុក្កែតហ៊ីម៉ាស(HIMARS) ដែលផលិតដោយសហរដ្ឋអាមេរិក។
នៅថ្ងៃដដែលនោះដែរ នាយសេនាធិការនៃកងកម្លាំងប្រដាប់អាវុធអ៊ុយក្រែន បានរាយការណ៍ពីការប៉ះទង្គិចគ្នាចំនួន ៨៧លើក នៅសមរភូមិមុខ។ កងទ័ពអ៊ុយក្រែន បានវាយប្រហារលើបុគ្គលិករុស្ស៊ីជាច្រើននាក់ ទីតាំងប្រមូលផ្តុំសម្ភារៈយោធា និងប៉ុស្តិ៍ទីបញ្ជាការ ដោយបានបំផ្លាញអាវុធកាំភ្លើងធំរបស់រុស្ស៊ីជាច្រើនដើម៕