ទីភ្នាក់ងារអវកាសចិន (CMSA) នៅថ្ងៃពុធ (ទី១៧ ខែមេសា) បាននិយាយថា ការរួមបញ្ចូលគ្នានៃយានអវកាសមានអវកាសយានិក Shenzhou-18 និងយានចម្លងដឹកជញ្ជូន Long March-2F ត្រូវបានបញ្ជូនទៅកាន់តំបន់បាញ់បង្ហោះហើយ។

យោងតាម CMSA បានឲ្យដឹងថា គ្រឿងបរិក្ខារ និងឧបករណ៍នៅកន្លែងបាញ់បង្ហោះ នៅក្នុងមជ្ឈមណ្ឌលបាញ់បង្ហោះផ្កាយរណប Jiuquan នាភាគពាយព្យប្រទេសចិន គឺស្ថិតក្នុងស្ថានភាពល្អប្រសើរ ហើយការត្រួតពិនិត្យមុខងារផ្សេងៗមុនការបាញ់បង្ហោះ និងការសាកល្បងរួមគ្នា នឹងត្រូវបានអនុវត្តតាមការគ្រោងទុក។

ជាមួយគ្នានេះ CMSA បានប្រាប់ថា យានអវកាសនេះនឹងត្រូវបាញ់បង្ហោះនៅពេលវេលាសមស្របមួយនាពេលខាងមុខដ៏ខ្លីនេះ៕