សភាតំណាងរាស្រ្តអាមេរិកដែលគ្រប់គ្រងដោយគណបក្សសាធារណរដ្ឋ កាលពីថ្ងៃអង្គារ (១៦ មេសា) បានបញ្ជូនមាត្រាចោទប្រកាន់ចំនួន២ ប្រឆាំងនឹងមន្ត្រីជាន់ខ្ពស់ផ្នែកសន្តិសុខព្រំដែនរបស់ប្រធានាធិបតីលោក Joe Biden ទៅកាន់ព្រឹទ្ធសភាដែលគណបក្សប្រជាធិបតេយ្យមានសំឡេងភាគច្រើន ដែលគេរំពឹងថា កិច្ចខិតខំប្រឹងប្រែងនេះនឹងត្រូវបានច្រានចោលយ៉ាងឆាប់រហ័ស។
«ប្រធាន» គណបក្សសាធារណរដ្ឋដែលសង្ឃឹមថា នឹងជជែកតវ៉ាលើករណីដករដ្ឋមន្ត្រីសន្តិសុខមាតុភូមិលោក Alejandro Mayorkas ចេញពីតំណែង បានអានយ៉ាងខ្លាំងៗទៅកាន់ព្រឹទ្ធសភានូវការចោទប្រកាន់របស់ពួកគេ ចំពោះការខកខានក្នុងការអនុវត្តច្បាប់អន្តោប្រវេសន៍របស់សហរដ្ឋអាមេរិក និងការកុហកសភា ។
គួរបញ្ជាក់ថា កិច្ចខិតខំប្រឹងប្រែងដែលត្រូវបានចោទប្រកាន់ថាជារឿងនយោបាយ កើតឡើងបន្ទាប់ពីមានកម្រិតច្រើនបំផុតនៃជនអន្តោប្រវេសន៍ខុសច្បាប់ កាលពីឆ្នាំមុន។ អ្នកបោះឆ្នោតលើកឡើងអំពីជនអន្តោប្រវេសន៍ថា ជាកង្វល់ធំ នៅមុនការបោះឆ្នោតប្រធានាធិបតី និងសភា នាថ្ងៃទី៥ ខែវិច្ឆិកា។
នៅថ្ងៃពុធ (១៧ មេសា) នេះ សមាជិកព្រឹទ្ធសភាចំនួន ១០០រូប គ្រោងនឹងស្បថធ្វើតួនាទីជាសមាជិកចៅក្រម សម្រាប់ការកាត់ក្តីដែលអាចចំណាយពេលយ៉ាងហោចណាស់ ១សប្តាហ៍។ នៅព្រឹកថ្ងៃដដែលនេះ លោក Mayorkas បានចំណាយពេលជិត ៣ម៉ោងផ្តល់សក្ខីកម្មទៅកាន់គណៈកម្មាធិការសន្តិសុខមាតុភូមិ ជាក្រុមប្រឹក្សាដែលកើតចេញពីការចោទប្រកាន់លើរូបលោកនេះ។ រូបលោកត្រូវបានកោះអញ្ចើញឲ្យផ្តល់សក្ខីកម្មអំពីថវិកានៃទីភ្នាក់ងាររបស់លោក សម្រាប់ឆ្នាំក្រោយ ប៉ុន្តែការចោទប្រកាន់នេះបានធ្វើឲ្យមានដំណើរការសវនាការ៕