នៅពេលដែលប្រទេសស៊ូដង់ ប្រារព្ធខួបដ៏អាក្រក់នៃជម្លោះរយៈពេលមួយឆ្នាំ ភ្នាក់ងារជំនួយ បានព្រមានថា ប្រទេសនេះ កំពុងឈានទៅរកការដួលរលំ ដោយប្រឈមនឹងវិបត្តិមនុស្សធម៌មិនធ្លាប់មានពីមុនមក ដែលត្រូវបានពិភពលោកមិនអើពើទាន់តែសោះ។

អង្គការសង្គ្រោះឥស្លាម (Islamic Relief) ដែលជាទីភ្នាក់ងារមនុស្សធម៌ និងអភិវឌ្ឍន៍ បានគូររូបភាពដ៏ស្រឡះនៃស្ថានភាពរបស់ប្រទេសស៊ូដង់ ដោយព្រមានថា ប្រទេសនេះ គឺស្ថិតនៅក្នុងស្ថានភាពនៃគ្រោះទុរ្ភិក្សដ៏ធំ ដោយកុមារតូចៗប្រឈមមុខនឹងភាពស្រេកឃ្លាន រហូតដល់ស្លាប់។

ស្ថានភាពនៅក្នុងប្រទេសស៊ូដង់ គឺមានភាពធ្ងន់ធ្ងរ ដោយមនុស្សជាង ៨,៤លាននាក់ រួមទាំងកុមារ២ លាននាក់ដែលមានអាយុក្រោម ៥ឆ្នាំ ត្រូវបានបង្ខំឲ្យភៀសខ្លួនចេញពីផ្ទះរបស់ពួកគេ បន្ទាប់ពីមានជម្លោះ នេះបើយោងតាមអង្គការគ្រូពេទ្យគ្មានព្រំដែន(MSF)។

អង្គការសង្គ្រោះឥស្លាម បាននិយាយនៅក្នុងសេចក្តីថ្លែងការណ៍មួយថា ទោះបីជាមានតួលេខគួរឲ្យព្រួយបារម្ភទាំងនេះក៏ដោយ ការឆ្លើយតបជាអន្តរជាតិ គឺមានភាពមិនគ្រប់គ្រាន់នៅឡើយ ដោយមានត្រឹមតែ ៥ភាគរយនៃផែនការឆ្លើយតបមនុស្សធម៌ឆ្នាំ ២០២៤សម្រាប់ប្រទេសស៊ូដង់ បានផ្តល់មូលនិធិ រហូតមកដល់ពេលនេះ។

នាយកប្រចាំប្រទេសរបស់ទីភ្នាក់ងារនេះសម្រាប់ប្រទេសស៊ូដង់ លោក Elsadig Elnour បាននិយាយថា ៖«ក្នុងរយៈពេលមួយឆ្នាំកន្លងមកនេះ ខ្ញុំបានឃើញប្រទេសរបស់ខ្ញុំ ធ្លាក់ចូលទៅក្នុងអំពើហិង្សា ឆ្កួតលីលា និងការបំផ្លិចបំផ្លាញដែលពិភពលោកទាំងមូល មិនយកចិត្តទុក   ដាក់។