តាមវីដេអូមួយដែលផ្សព្វផ្សាយកាលពីថ្ងៃអង្គារ បានបង្ហាញអង្គភាពនគរបាលមួយដែលគេស្គាល់ថាជាវ៉ាយ អែនជែល (White Angels) មានបំណងជួយអ្នកស្រុកដែលរងរបួសមុននឹងជម្លៀសខ្លួនពួកគេចេញពីតំបន់ដូនេត។

យោងតាមការផ្សព្វផ្សាយរបស់ក្រសួងកិច្ចការផ្ទៃក្នុងរបស់អ៊ុយក្រែនដែលចេញផ្សាយវីដេអូបានអោយដឹងថា អំឡុងពេលជួយសង្រ្គោះ ក្រុមនេះ បានទទួលរងការវាយប្រហារពីយានដ្រូនFPVមួយគ្រឿង។

អង្គភាពនេះ បាននិយាយថា អំឡុងពេលប្រតិបត្ដិការជួយសង្គ្រោះ ក្រុមមន្រ្ដីបានជួយអ្នកស្រុកដែលរងរបួសធ្ងន់ពីរនាក់ និងប្ដីប្រពន្ធ១គូ ដែលបានបាត់កូនប្រុសរបស់ពួកគេដោយសារការបាញ់ផ្លោង។

អ្នកសារព័ត៌មានReuters អាចផ្ទៀងផ្ទាត់ដោយឯករាជ្យនូវទីកន្លែង ជាមួយនឹងទីតាំង និងគ្រោងអគារ ប្លង់ផ្លូវ ហើយនិងភូមិសាស្រ្ដ ដែលស៊ីគ្នានឹងផ្កាយរណប ហើយនិងរូបភាពឯកសារ។ ប៉ុន្ដែReutersមិនអាចផ្ទៀងផ្ទាត់ដោយឯករាជ្យទេពីកាលបរិច្ឆេទដែលគេថតបាននេះ៕