ក្រុមមេដឹកនាំសហភាពអឺរ៉ុប ចាប់ផ្ដើមពិភាក្សានូវមធ្យោបាយធ្វើឱ្យសេដ្ឋកិច្ចរបស់ប្លុកនេះមានការប្រកួតប្រជែងកាន់តែខ្លាំងជាមុន និងកាន់តែស្វាហាប់ធ្វើយ៉ាងណាកុំឱ្យដើរក្រោយអ្នកប្រកួតប្រជែងដទៃទៀត នៅឯជំនួបកំពូលពិសេសដែលបានចាប់ផ្ដើមនៅថ្ងៃពុធនេះ។

លោកហ្សេក មេយើរ (Zach Meyers) នាយករងនៅឯមជ្ឈមសម្រាប់វិទ្យាស្ថានស្រាវជ្រាវកំណែទម្រង់អឺរ៉ុប បាននិយាយថា បញ្ហាប្រកួតប្រជែងរបស់អឺរ៉ុប គឺកើតចេញពីកំណើនយឺតយ៉ាវ បើធៀបទៅនឹងសហរដ្ឋអាមេរិក និងប្រទេសចិន។ជាពិសេបញ្ហាប្រឈមផ្នែកបច្ចេកវិទ្យា និងផ្នែកពាណិជ្ជកម្ម សំរាប់ឧស្សាហកម្ម ហើយអ្នកប្រកួតប្រជែងត្រូវតែប្រកាន់យកទីផ្សារអោយកាន់តែមានប្រសិទ្ធិភាពថែមទៀត។

លោកមេយើរនិយាយថា របាយការណ៍មួយរបស់អតីត:នាយករដ្ឋមន្រ្ដីអ៊ីតាលីលោក អែនរីកូ លេតតា (Enrico Letta) ទំនងជាអំពាវនាវអោយមានកំណែទម្រង់ទីផ្សារតែមួយរបស់ប្លុកក្នុងវិស័យថាមពល សេវាហិរញ្ញវត្ថុ និងទូរគមនាគមន៍។

លោកមេយើរបន្ដថា រដ្ឋជាសមាជិក ត្រូវតែធ្វើការសម្របសម្រួល ហើយមិនត្រូវលើកឡើងពីជើងឯកជាតិនៅក្នុងផ្នែកផ្សេងៗគ្នា ហើយត្រូវសំលឹងមើលទៅរកវិធានស៊ីចង្វាក់គ្នារវាងសមាជិកនិងសមាជិក។

ក្រុមមេដឹកអឺរ៉ុបក៏នឹងពិភាក្សាពីគោលនយោបាយកាបរទេសសំខាន់ៗ ក្នុងនោះ រួមមានសង្រ្គាមរុស្ស៊ីក្នុងប្រទេសអ៊ុយក្រែន ទំនាក់ទំនងរបស់ពួកគេជាមួយប្រទេសទួគី និងស្ថានការណ៍សន្ដិសុខក្នុងតំបន់មជ្ឈិមបូព៌ាផងដែរ៕