សកម្មជនអ៊ីរ៉ង់រាប់រយនាក់ទាំងក្នុង និងក្រៅប្រទេស បានព្រមានថា របប «ដែលចូលចិត្តធ្វើសង្គ្រាម»នៅទីក្រុងតេអេរ៉ង់ កំពុងដឹកនាំប្រទេសអ៊ីរ៉ង់ ឆ្ពោះទៅរកការបំផ្លិចបំផ្លាញ។

នៅក្នុងលិខិតមួយដែលសារព័ត៌មានThe Telegraphបានឃើញនោះ ពួកគេបានសរសេរថា៖« នៅក្នុងស្ថានភាពដែលអ៊ីរ៉ង់ កំពុងប្រឈមនឹងវិបត្តិសេដ្ឋកិច្ច នយោបាយ និងសង្គមដ៏ច្រើនសណ្ឋាន ការកើនឡើងភាពតានតឹងរវាងអ៊ីរ៉ង់ និងអ៊ីស្រាអែល គឺមានឥទ្ធិពលដ៏អាក្រក់ បំផុត។

អ៊ីស្រាអែល បានប្តេជ្ញាឆ្លើយតបបន្ទាប់ពីអ៊ីរ៉ង់បានវាយប្រហារដោយយានដ្រូន រ៉ុក្កែត និងមីស៊ីលជាង ៣០០ គ្រាប់ទៅលើខ្លួន កាលពីចុងសប្តាហ៍មុន។

ការវាយប្រហារនោះ គឺជាការឆ្លើយតបទៅនឹងការវាយប្រហាររបស់អ៊ីស្រាអែលលើស្ថានកុងស៊ុលអ៊ីរ៉ង់ នៅទីក្រុងដាម៉ាសដែលបានសម្លាប់សមាជិកជាន់ខ្ពស់ម្នាក់នៃកងឆ្មាំបដិវត្តន៍ឥស្លាម។

ខណៈពេលដែលនិយាយថា ពួកគេ «ថ្កោលទោសការឈ្លានពានណាមួយនៅលើទឹកដីនៃប្រទេសរបស់យើង» បណ្តាប្រទេសហត្ថលេខីនៃលិខិតរបស់អ៊ីរ៉ង់ បានបន្ថែមថា៖«ការព្រួយបារម្ភអំពីការផ្ទុះឡើងនៃ សង្គ្រាមដែលរីករាលដាល កាន់តែខ្លាំងឡើងៗ។

លិខិតនោះ បានសរសេរថា៖«[យើង] សម្តែងការព្រួយបារម្ភធ្ងន់ធ្ងរអំពីសកម្មភាពណាមួយរបស់សាធារណរដ្ឋឥស្លាមអ៊ីរ៉ង់ដែលនឹងបង្កើនអណ្តាតភ្លើងនៃសង្គ្រាមនៅក្នុងតំបន់ គាបសង្កត់ប្រជាជនក្នុងស្រុក និងធ្វើ បរិយាកាសកាន់តែស្មុកស្មាញឡើង»។