ភ្នំពេញ: សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានបង្ហោះលើបណ្តាញសង្គម ហ្វេសបុកនាយប់ថ្ងៃទី១៨ ខែមេសា ឆ្នាំ២០២៤នេះថា សម្តេចមានការជឿជាក់ថា ព្រឹទ្ធសភានឹងដំណើរ ការល្អបន្ទាប់ពីព្រឹកថ្ងៃទី១៨នេះ សម្តេចបានជួបសន្ទនាជាមួយសមាជិកព្រឹទ្ធដែលមកពីគណបក្សឆន្ទៈខ្មែរ អស់រយៈពេលបីម៉ោងមកនោះ។

សម្តេចតេជោ បានលើកឡើងថា«ព្រឹកម៉ិច ១៨មេសា២០២៤ ខ្ញុំជាមួយអនុប្រធានទាំង ២រូបបានជួបសន្ទនាជាមួយឯកឧត្តម សុក ហាច ឯកឧត្តមសេង ម៉ាឌី និងឯកឧត្តម គង់ មុនីកា ដែលជាសមាជិកព្រឹទ្ធសភាមកពីគណបក្សឆន្ទះខ្មែរ»។ សម្តេចបានបន្ថែមទៀតថា ជាង៣ម៉ោងនៃការសន្ទនាប្រកបដោយភាពស្មោះត្រង់ស្និទ្ធស្នាលគោរពគ្នាទៅវិញទៅមកធ្វើឲ្យខ្ញុំជឿជាក់ថាព្រឹទ្ទសភានិងដំណើការល្អ»។

នៅក្នុងកិច្ចសន្ទនានោះ សម្តេចតេជោ បានលើកឡើងផងដែរថា សម្តេច និងសមាជិកព្រឹទ្ធសភា ដែលមកពីគណបក្សឆន្ទៈខ្មែរនេះ ក៏បានបានជូនពរគ្នាទៅវិញទៅមកក្នុងឱកាសចូលឆ្នាំថ្មីដែលទើបកន្លងផុតទៅផងដែរ៕