យោងតាមទូរទស្សន៍ ABC News របស់សហរដ្ឋអាមេរិក មីស៊ីលជាច្រើនគ្រាប់របស់អ៊ីស្រាអែល បានវាយប្រហារចូលទៅក្នុងទឹកដីរបស់អ៊ីរ៉ង់។
ទូរទស្សន៍រដ្ឋអ៊ីរ៉ង់ បានរាយការណ៍ពីការផ្ទុះជាច្រើននៅក្នុងទីក្រុង អ៊ីស្វានហាន់ (Isfahan) របស់ប្រទេសអ៊ីរ៉ង់។
អ៊ីស្រាអែល បានសន្យាថានឹងឆ្លើយតប បន្ទាប់ពីអ៊ីរ៉ង់ បានវាយប្រហារកាលពីថ្ងៃសៅរ៍ចុងសប្ដាហ៍មុន ដោយយានដ្រូន និងមីស៊ីល ចូលទឹកដីអ៊ីស្រាអែល។
សហរដ្ឋអាមេរិក និងប្រទេសមួយចំនួននៅអឺរ៉ុប កំពុងអំពាវនាវឲ្យអ៊ីស្រាអែលអត់ធ្មត់ កុំវាយប្រហារតបតទៅអ៊ីរ៉ង់វិញ ព្រោះបារម្ភថានឹងធ្វើឲ្យសង្រ្គាមរីកកាន់តែធំពាសពេញតំបន់មជ្ឈិមបូព៌ា៕