សាលី អ៊ូ​មើ​ត នឹង​ចូល​រួម​ព្រឹត្តិការណ៍​ថ្មី​មួយទៀត​នៅ​អឺរ៉ុប ក្រោយ​ខកខាន​ប្រកួតកីឡា​ម៉ូតូ​ទឹក​ពិភពលោក​ជុំ​ទី​១

សាលី អ៊ូមើត នឹងចូលរួមព្រឹត្តិការណ៍ថ្មីមួយទៀតនៅអឺរ៉ុប ក្រោយខកខានប្រកួតកីឡាម៉ូតូទឹកពិភពលោកជុំទី១

ម៉ូតូទឹក៖ បន្ទាប់ពីខកខានចូលរួមការប្រកួតកីឡាម៉ូតូទឹកពិភពលោក Jet Ski World Series 2021-2022 (ជុំទី១) នៅប្រទេសប៉ូឡូញកាលពីចុងសប្ដាហ៍កន្លងទៅ កីឡាករម៉ូតូទឹកជម្រើសជាតិកម្ពុជា សាលី អ៊ូមើត នឹងចូលរួមព្រឹត្តិការណ៍អន្តរជាតិមួយទៀតនៅអឺរ៉ុប នាខែកញ្ញាខាងមុខគឺការប្រកួត Grand Prix of Italy នៅប្រទេសអ៊ីតាលី។

អ៊ូមើត បានឲ្យដឹងថា បច្ចុប្បន្នខ្លួន និងកីឡាករជម្រើសជាតិម៉ូតូទឹកកម្ពុជា ៤រូបទៀតកំពុងធ្វើចត្តាឡីស័កនៅកម្ពុជាក្រោយធ្វើដំណើរមកពីប្រទេសថៃកាលពីថ្ងៃទី២៦ ខែកក្កដាម្សិលមិញ។ ម្ចាស់មេដាយមាសកីឡាអាស៊ីឆ្នាំ២០១៨ ដដែលបន្ដថា ការមកកម្ពុជានេះគឺដើម្បីបន្ដសុពលភាពលិខិតឆ្លងដែន (Passport) ហើយស្នើសុំទិដ្ឋាការទៅប្រទេសអាល្លឺម៉ង់ជាថ្មី បន្ទាប់ពីមានបញ្ហាយឺតយ៉ាវអំឡុងពេលស្នើសុំនៅប្រទេសថៃ ដែលនាំឲ្យខកខានចូលរួមព្រឹត្តិការណ៍ Jet Ski World Series 2021-2022 នៅប្រទេសប៉ូឡូញកាលពីថ្មីៗ។ កីឡាករខ្មែរឥស្លាមដដែលបន្ថែមថា ចំពោះការស្នើទិដ្ឋាការ ឬ Visa ទៅអឺរ៉ុបលើកនេះគឺដើម្បីទៅយកម៉ូតូថ្មីរបស់ខ្លួននៅប្រទេសអូទ្រីសផង និងដើម្បីចូលរួមការប្រកួតដ៏ធំមួយប្រចាំទ្វីបអឺរ៉ុប នៅប្រទេសអ៊ីតាលីផងគឺការប្រកួត Grand Prix of Italy 2021 ដែលគ្រោងប្រកួតពីថ្ងៃទី៣ ដល់ថ្ងៃទី០៥ ខែកញ្ញាខាងមុខ។

ការប្រកួតនេះគឺដើម្បីផ្សាំជាមួយនឹងម៉ូតូទឹកថ្មីរបស់ខ្លួនផង ក៏ដូចជាដើម្បីពង្រឹងសមត្ថភាពត្រៀមចូលរួមការប្រកួតជុំទី២ នៃព្រឹត្តិការណ៍ Jet Ski World Series 2021-2022 នៅសហរដ្ឋអាមេរិកក៏ដូចជាជុំទី៣ នៅប្រទេសថៃ ពិសេសគឺពង្រឹងសមត្ថភាពត្រៀមស៊ីហ្គេមឆ្នាំ២០២៣ នៅកម្ពុជាតែម្ដង។ សូមបញ្ជាក់ថា ដំបូងឡើយ អ៊ូមើត ត្រូវចូលរួមប្រកួតព្រឹត្តិការណ៍ Jet Ski World Series 2021-2022 ជុំទី១ នៅប្រទេសប៉ូឡូញចាប់ពីថ្ងៃទី២១ ដល់ថ្ងៃទី២៥ ខែកក្កដាសប្ដាហ៍មុន តែដោយសារបញ្ហាស្នើសុំទិដ្ឋាការទៅអាល្លឺម៉ង់មានការយឺតយ៉ាវ បានធ្វើឲ្យគេខកខានចូលរួមការប្រកួត ១ជុំ។ ប៉ុន្ដែកីឡាករម៉ូតូទឹកដ៏ឆ្នើមរបស់កម្ពុជារូបនេះនឹងចូលរួមការប្រកួត ២ជុំទៀត ទោះបីការប្រកួតត្រឹម ២ជុំនេះពុំទទួលបានចំណាត់ថ្នាក់ក៏ដោយ ក្នុងនោះជុំទី២ នឹងប្រកួតនៅសហរដ្ឋអាមេរិកចាប់ពីថ្ងៃទី៦ ដល់ថ្ងៃទី១០ ខែតុលា ឆ្នាំ២០២១ និងជុំទី៣ ដែលជាជុំកាត់សេចក្ដីនឹងប្រកួតពីថ្ងៃទី១២ ដល់ថ្ងៃទី១៦ ខែមករា ឆ្នាំ២០២២ នៅប្រទេសថៃ៕

អត្ថបទ៖ លី ឈុនឡា

អត្ថបទដែលទាក់ទង

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

Hun Sen Cup៖ ឧត្តរមានជ័យ ស្មើបន្ទាយមានជ័យ ខណៈខេត្តកណ្ដាល រកបាន ៣ពិន្ទុពេញពីជំនួបបើកឆាកពូលB

អត្តពលិកកីឡារាំទៅចូលរួមប្រកួតជើងឯកអាស៊ី-អាស៊ាន នៅម៉ាឡេស៊ី ខណៈប្រធានសហព័ន្ធជឿជាក់នាំ មេដាយជូនជាតិ

បណ្ដាញសង្គម

ព័ត៌មានចុងក្រោយ

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

ប្រមុខការទូតកម្ពុជា និងអាម៉េរិក ជួបពិភាក្សាការងារទ្វេភាគី ដើម្បីជំរុញភាពជាដៃគូប្រទេសទាំងពីរឱ្យកាន់តែរីកចម្រើនថែមទៀត

ទីក្រុងតូក្យូរាយការណ៍ពីការចូលមន្ទីរពេទ្យទាក់ទងនឹងកម្ដៅច្រើនបំផុត តាំងពីឆ្នាំ២០១០ ដោយមានអ្នកស្លាប់ម្នាក់

អ៊ីរ៉ង់ព្រមានកងទ័ពអាមេរិកកុំឱ្យអនុវត្តបញ្ជា «ខុសច្បាប់យ៉ាងជាក់ស្ដែង»

អូម៉ង់អះអាងថា ខ្លួនកំពុងធ្វើការជាមួយអារ៉ាប៊ីសាអ៊ូឌីត យេម៉ែន និងUN ដើម្បីបន្តដំណើរនយោបាយឆ្ពោះទៅរកស្ថិរភាព

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សាលី អ៊ូមើត នឹងចូលរួមព្រឹត្តិការណ៍ថ្មីមួយទៀតនៅអឺរ៉ុប ក្រោយខកខានប្រកួតកីឡាម៉ូតូទឹកពិភពលោកជុំទី១