នគរបាលនៅទីក្រុង Karachi ភាគខាងត្បូងរបស់ប្រទេសប៉ាគីស្ថាន បានបាញ់សម្លាប់អ្នកបំផ្ទុះគ្រាប់បែកអត្តឃាត និងជនសកម្មប្រយុទ្ធម្នាក់ នៅថ្ងៃសុក្រ (ទី១៩ ខែមេសា) នេះ ខណៈដែលពួកគេបានវាយប្រហារលើរថយន្តដឹកជនជាតិជប៉ុន ៥នាក់ ដោយអ្នកទាំងអស់នោះបានរួចជីវិតពីការប៉ុនប៉ងវាយប្រហារនេះ។
ក្រុមសកម្មប្រយុទ្ធឥស្លាមដែលកំពុងស្វះស្វែងផ្ដួលរំលំរដ្ឋាភិបាល និងបង្កើតឧបសម្ព័ន្ធដ៏តឹងរ៉ឹងនៃការគ្រប់គ្រងតាមបែបអ្នកកាន់សាសនាឥស្លាមរបស់ពួកគេ បានបើកការវាយប្រហារដ៏បង្ហូរឈាមបំផុតមួយចំនួនលើប្រទេសប៉ាគីស្ថាន ក្នុងរយៈពេលប៉ុន្មានឆ្នាំចុងក្រោយនេះ ដែលពេលខ្លះសំដៅទៅលើជនបរទេស ដូចជាជនជាតិចិនជាដើម។
អ្នកនាំពាក្យនគរបាលលោក Abrar Hussain Baloch បាននិយាយថា អ្នករួចជីវិត ដែលជាជនជាតិជប៉ុនទាំងអស់នោះ ត្រូវបាននាំទៅកាន់កន្លែងសុវត្ថិភាព ក្រោមការថែទាំរបស់នគរបាល។
ពាក់ព័ន្ធនឹងហេតុការណ៍ចុងក្រោយនេះ មិនទាន់មានការអះអាងទទួលខុសត្រូវ ចំពោះការវាយប្រហារនេះ ពីក្រុមសកម្មប្រយុទ្ធណាមួយនៅឡើយទេ៕