អាជ្ញាធរក្នុងតំបន់ កាលពីថ្ងៃព្រហស្បតិ៍ (១៨ មេសា) បានរាយការណ៍ថា ចំហេះព្រៃបានបំផ្លាញព្រៃឈើជាង ៨០០ហិកតា នៅកណ្តាលរដ្ឋ Morelos របស់ប្រទេសម៉ិកស៊ិក។
បើយោងតាមរបាយការណ៍ពីលេខាធិអភិវឌ្ឍន៍ប្រកបដោយចីរភាពរបស់រដ្ឋ Morelos បានឲ្យដឹងថា ក្រុមពន្លត់អគ្គិភ័យ បានគ្រប់គ្រងចំហេះ ៦៥ភាគរយ។ ប៉ុន្តែខ្យល់បានធ្វើឲ្យជួបការលំបាក ក្នុងការពន្លត់អណ្ដាតភ្លើងទាំងស្រុង។
ជាមួយគ្នានេះ ក្រុមពន្លត់អគ្គិភ័យមកពីរដ្ឋផ្សេងទៀត ដូចជា Michoacan, Mexico City និងរដ្ឋ Mexico ជាដើម ត្រូវបានដាក់ពង្រាយ ដើម្បីជួយដល់ក្រុមក្នុងតំបន់នេះ។ ពាក់ព័ន្ធនឹងដើមហេតុ ដែលនាំឲ្យមានអគ្គិភ័យនេះ គេមិនទាន់ដឹងនៅឡើយទេ៕