​

យោធាប្រទេសកូរ៉េខាងត្បូង បាននិយាយនៅថ្ងៃសុក្រនេះថា កងកម្លាំងទ័ពអាកាសរបស់កូរ៉េខាងត្បូង និងសហរដ្ឋអាមេរិក បានធ្វើសមយុទ្ធ ដើម្បីពង្រឹងសមត្ថភាពរួមគ្នារបស់ពួកគេ។

ប្រទេសទាំងពីរ បានចាប់ផ្តើមសមយុទ្ធរួមគ្នារយៈពេល១៥ថ្ងៃ ដែលគេស្គាល់ថាជាការបណ្តុះបណ្តាលហោះហើរកូរ៉េ ដោយមានយន្តហោះចម្បាំងប្រមាណ ១០០គ្រឿង។ សមយុទ្ធនេះ គឺជាព្រឹត្តិការណ៍ប្រចាំឆ្នាំ ដែលរៀបចំឡើងដើម្បីពង្រឹងការត្រៀមខ្លួនរួមគ្នានៃកម្លាំងយោធារបស់ប្រទេសទាំងពីរ។

យោធាប្រទេសកូរ៉េខាងត្បូង បាននិយាយថា កងកម្លាំងប្រតិបត្តិការពិសេសរបស់ប្រទេសទាំងពីរ កាលពីថ្ងៃព្រហស្បតិ៍ ទី១៨ ខែមេសា បានធ្វើលំហាត់ហ្វឹកហ្វឺនកងទ័ពអាកាសជាមួយទាហានឆ័ត្រយោង ជាផ្នែក នៃសមយុទ្ធប្រចាំឆ្នាំ។