សៀមរាប៖ ឯកឧត្តមឯកអគ្គរាជទូតជប៉ុនប្រចាំនៅកម្ពុជា បានមានប្រសាសន៍ឱ្យដឹងថា អក្សរដែលសរសេរ នៅលើប្រាសាទអង្គរវត្តរបស់ក្រុមសាមូរ៉ៃកាលពីអំឡុងឆ្នាំ១៦៣២ បញ្ជាក់ឱ្យឃើញថា កម្ពុជា-ជប៉ុន មានទំនាក់ទំនងមិត្តភាពជាមួយគ្នាតាំងពីច្រើនរយឆ្នាំកន្លងមកហើយ។

ថ្លែងក្នុងពិធី« សម្ពោធអគារមជ្ឈមណ្ឌលផ្ដល់សេវាវះកាត់ នៃមន្ទីរពេទ្យបង្អែកខេត្តសៀមរាប» នៅថ្ងៃទី ២០ ខែមេសា ឆ្នាំ២០២៤ ឯកឧត្តម UENO Atsushi ឯកអគ្គរាជទូតជប៉ុនប្រចាំនៅកម្ពុជាបានឱ្យដឹងថា អក្សរជប៉ុនដែលសរសេរនៅលើសសរនៃប្រាសាទអង្គរវត្ត របស់ក្រុមសាមូរ៉ៃ កាលពីអំឡុងឆ្នាំ១៦៣២ នៅក្នុងពេលបច្ចុប្បន្នត្រូវចាត់ទុកជាទង្វើខុសច្បាប់ ប៉ុន្តែអក្សរជប៉ុនដែលបានសរសេរតាំងពីអំឡុងជាង ៤០០ ឆ្នាំមុនកន្លងមកនេះ បញ្ជាក់ពីទំនាក់ទំនងនៃចំណងមិត្តភាពរវាងកម្ពុជា និងជប៉ុន។

តាមរយៈទំនាក់ទំនងមិត្តភាពជាច្រើនសតវត្សរ៍កន្លងមកនេះ ឯកឧត្ដមឯកអគ្គរាជទូតប្ដេជ្ញានឹងធ្វើឱ្យទំ នាក់ទំនងមិត្តភាពកម្ពុជា-ជប៉ុនកាន់តែប្រសើរថែមទៀត។

ក្នុងពិធីនោះដែរ ឯកឧត្ដមឯកអគ្គរាជទូតក៏បានរម្លឹកឱ្យដឹងពីកិច្ចខិតខំប្រឹងប្រែងរបស់សម្ដេចមហាបវរ ធិបតី ហ៊ុន ម៉ាណែត នាយករដ្ឋមន្ត្រី ដែលបានខិតខំចរចាជាមួយឯកឧត្ដមនាយករដ្ឋមន្ត្រីជប៉ុន រហូត សម្រេចបាននូវកិច្ចព្រមព្រៀងជាច្រើន ដែលជាប្រយោជន៍រួមនៃប្រទេសទាំងពីរ។ ឯកឧត្ដមបន្ថែមថា កិច្ចខិតខំប្រឹងប្រែងរបស់សម្ដេចធិបតីនាយករដ្ឋមន្ត្រី ក៏បានទាក់ទាញវិនិយោគិនជប៉ុនថ្មីៗជាច្រើន ហើ យវិនិយោគិនជប៉ុនមួយចំនួនធំ ក៏បានបង្កើនទុនវិនិយោគនៅកម្ពុជាផងដែរ៕ ដោយ៖ គង់ ឌិន