អ្នកស្រុកនៅទីក្រុង New Delhi របស់ប្រទេសឥណ្ឌា បាននាំគ្នាត្អូញត្អែរពីបញ្ហាផ្លូវដង្ហើម នៅថ្ងៃចន្ទ (២២ មេសា) នេះ បន្ទាប់ពីអគ្គិភ័យដ៏ធំមួយបានឆាបឆេះនៅឯកន្លែងចាក់សំរាម Ghazipur មួយថ្ងៃមុននោះ។

សំណុំផ្សែងបានបន្តហុយទ្រលោមចេញពីកន្លែងចាក់សំរាមដែលកំពុងឆេះ នៅតំបន់ភាគខាងកើតនៃទីក្រុង ជាកន្លែងដែលអេស្កាវ៉ាទ័រត្រូវបានគេឃើញជីកកកាយគំនរសំរាម ដើម្បីជួយបន្ថយអណ្ដាតភ្លើង កាលពីយប់ថ្ងៃអាទិត្យ (២១ មេសា)។

អ្នកស្រុកមូលដ្ឋានម្នាក់ឈ្មោះ Riyazuddin Saif បាននិយាយថា៖ «ភ្នែករបស់យើងកំពុងក្ដៅគគុក ហើយក្នុងចំណោមអ្នកស្រុក គ្មាននរណាម្នាក់ អាចដើរចេញពីផ្ទះរបស់ខ្លួនបានឡើយ។ ស្ថានភាពគឺអាក្រក់ណាស់ ដែលក្មេងៗស្រេកយំ»។

តែអភិបាលក្រុង New Delhi លោក Shelly Oberoi នៅថ្ងៃចន្ទនេះ បានប្រាប់ប្រព័ន្ធផ្សព្វផ្សាយថា "គ្មានអ្វីដែលត្រូវខ្លាចនោះទេ» ហើយថា បញ្ហាផ្សែងនេះនឹងត្រូវបានដោះស្រាយក្នុងរយៈពេល «៤ ទៅ ៥ម៉ោងទៀត»៕