អង្គការឃ្លាំមើលការប្រឆាំងទំនុកចិត្តរបស់ប្រទេសជប៉ុន និយាយថា ក្រុមហ៊ុនស្វែងរកខ្នាតយក្ស របស់សហរដ្ឋអាមេរិក Google បានរំលោភលើជំហរដ៏លេចធ្លោរបស់ខ្លួនក្នុងការផ្សាយពាណិជ្ជកម្មតាមអ៊ីនធឺណិត នៅក្នុងប្រទេសជប៉ុន ហើយត្រូវតែកែតម្រូវឥរិយាបថរបស់ខ្លួន។ ការចោទប្រកាន់នេះ ទាក់ទងទៅនឹងក្រុមហ៊ុន Google ដែលរឹតត្បិតតលើការអនុវត្តន៍ការផ្សាយពាណិជ្ជកម្មរបស់ម៉ាស៊ីនស្វែងរក Yahoo Japan ដែលបច្ចុប្បន្ននេះ ជាផ្នែកមួយនៃសាជីវកម្ម LY Corporation ដែលដំណើរការបណ្តាញវេទិកាប្រព័ន្ធផ្សព្វផ្សាយសង្គម។
គណៈកម្មាការពិព័រណ៍ពាណិជ្ជកម្មរបស់ប្រទេសជប៉ុន កាលពីថ្ងៃចន្ទបាននិយាយថា ក្រុមហ៊ុនGoogle បានរំលោភលើជំហររបស់ខ្លួនដោយរារាំងការប្រើប្រាស់បច្ចេកវិទ្យាផ្សាយពាណិជ្ជកម្ម។ ក្រុមហ៊ុន Google បានព្រមព្រៀងរួចហើយជាមួយគណៈកម្មការពិព័រណ៍ពាណិជ្ជកម្ម (FTC) ដោយរកឃើញនិងបានបញ្ជូនផែនការកាលពីសប្តាហ៍មុន ដើម្បីបញ្ឈប់ការអនុវត្តការរឹតត្បិត និងបញ្ចៀសការដាក់ទណ្ឌកម្មបន្ថែម។
ក្រុមហ៊ុន Google មានភាគហ៊ុនដ៏លើសលប់នៅក្នុងប្រទេសជប៉ុន សម្រាប់ការផ្សាយពាណិជ្ជកម្មតាមអ៊ិនធឺណិត ដែលត្រូវបានគេស្គាល់ថាជាគោលដៅនៃពាក្យគន្លឹះ។
ចំណាត់ការធ្វើឡើងដោយគណៈកម្មការពិព័រណ៍ពាណិជ្ជកម្ម(FTC) របស់ប្រទេសជប៉ុន បានធ្វើឡើងខណៈក្រុមហ៊ុនបច្ចេកវិទ្យាយក្សរបស់សហរដ្ឋអាមេរិកមួយនេះ កំពុងប្រឈមនឹងបទប្បញ្ញត្តិកាន់តែតឹងរ៉ឹងលើប្រតិបត្តិការរបស់ខ្លួនពីអាជ្ញាធរអាមេរិក និងអឺរ៉ុប។
ប្រទេសជប៉ុន ក៏កំពុងបង្កើនការត្រួតពិនិត្យរបស់ខ្លួន រួមទាំងការពិនិត្យនៅនឹងកន្លែងរបស់ក្រុមហ៊ុនបុត្រសម្ព័ន្ធក្នុងស្រុករបស់ក្រុមហ៊ុនបច្ចេកវិទ្យាធំៗផងដែរ។