ប្រទេសក្រិក និងអេស្ប៉ាញ កំពុងស្ថិតនៅក្រោមសម្ពាធក្នុងការផ្តល់ប្រព័ន្ធការពារដែនអាកាស Patriot ដល់អ៊ុយក្រែន ខណៈដែលប្រទេសនានា ប្រឈមនឹងហានិភ័យតិចតួចនៃការវាយប្រហារ។
ប្រព័ន្ធមីស៊ីលបាញ់ពីដីទៅលើអាកាសដ៏ទំនើបដែលផលិតដោយអាមេរិក គឺជាចំណុចសំខាន់នៃការអំពាវនាវរបស់ទីក្រុងគីវសម្រាប់ការគាំទ្របន្ថែមទៀតពីលោកខាងលិច ដើម្បីការពារទីក្រុង និងហេដ្ឋារចនាសម្ព័ន្ធថាមពលប្រឆាំងនឹងការវាយប្រហាររយៈចម្ងាយឆ្ងាយរបស់រុស្ស៊ី។
ប្រទេសអាល្លឺម៉ង់កាលពីសប្តាហ៍មុន បានចាប់ផ្តើមកិច្ចខិតខំប្រឹងប្រែងអន្តរជាតិមួយ ក្នុងគោលបំណងបំពេញចន្លោះប្រហោង ក្នុងវិស័យការពារដែនអាកាសរបស់អ៊ុយក្រែន ដែលបានបន្សល់ទុកដោយកញ្ចប់ជំនួយយោធាចំនួន ៦០ពាន់លានដុល្លាររបស់ទីក្រុងវ៉ាស៊ីនតោន។
ប៉ុន្តែបន្ទាប់ពីសភាតំណាងសហរដ្ឋអាមេរិក បានអនុម័តប្រាក់បន្ថែមសម្រាប់ទីក្រុងគីវកាលពីថ្ងៃសៅរ៍ក៏ដោយ រដ្ឋមន្ត្រី និងមន្ត្រីសហភាពអឺរ៉ុប បានព្រមានថា ប្លុកនេះ នឹងត្រូវបន្តឡើងកិច្ចប្រឹងប្រែង ដូចដែលពួកគេ បានជួបគ្នា នៅប្រទេសលុចសំបួ។
លោក Gabrielius Landsbergis រដ្ឋមន្ត្រីការបរទេសរបស់ប្រទេសលីទុយអានី បានប្រាប់អ្នកយកព័ត៌មានកាលពីថ្ងៃចន្ទថា៖«សម្ព័ន្ធមិត្តជាច្រើន នឹងមានភាពធូរស្រាល ដោយសារមានដំណឹងល្អមកពីសហរដ្ឋអាមេរិក ប៉ុន្តែវាមិនអាចរារាំងយើងពីការធ្វើអ្វី ដែលយើងត្រូវធ្វើនោះទេ។