​​ទ្រី​អា​ត្លុង៖ ​ជាមួយ​នឹង​ប្រជាជន​សរុប​ត្រឹម ៦៣០០០​នាក់ និង​មាន​ផ្ទៃក្រឡា​ត្រឹម ៥៣.២​គីឡូ​ម៉ែត្រ​ការ៉េ Bermuda បាន​ក្លាយជា​ដែនដី រឺ​ប្រទេស​តូច​បំផុត​ដែល​ឈ្នះ​មេដាយមាស​អូឡាំពិក បន្ទាប់ពី​កីឡាការិនី Flora Duffy ឈ្នះ​មេដាយមាសលើ​វិញ្ញាសា​កីឡា​ទ្រី​អា​ត្លុង​នៅ​អូឡាំពិក​ទីក្រុង​តូ​ក្យូ​។

​​កីឡាករ​វ័យ ៣៣ឆ្នាំ Flora Duffy បានបង្ហាញ​ខ្លួន​នៅ​ព្រឹត្តិការណ៍​អូ​ឡាំ​ពី​ក​លើក​ទី៤ និង​បាន​ជម្នះកីឡាការិនី ៥៥នាក់​ផ្សេងទៀត​ដើម្បី​មកដល់​ទី​ព្រ័ត្រ​មុនគេ​ប្រើពេល ១ម៉ោង ៥៥នាទី ៣៦វិនាទី ដែល​លឿន​ជា​កីឡាការិនី​ចក្រភព​អង់គ្លេស Georgia Taylor-Brown ជាង ១នាទី ខណៈ​លេខ៣ បាន​ទៅ​កីឡាការិនី​អាមេរិក Katie Zaferes​។​ ​​Bermuda បច្ចុប្បន្ន​ក៏​កំពុងកាន់​កំណត់ត្រា​ប្រទេស ​ដែលមាន​ប្រជាជន​តិច​បំផុត​ឈ្នះ​មេដាយមាស​អូឡាំពិក​ផងដែរ បន្ទាប់ពី​កីឡាករ​ប្រដាល់ Clarence Hill ដណ្តើមបាន​មេដាយសំរឹទ្ធ​នៅ​អូឡាំពិក​ឆ្នាំ១៩៧៦ ខណៈ​លើក​នេះ​ជា​មេដាយមាស​ដំបូង​បំផុត​។ ​​Bermuda ជា​ដែនដី​ដែល​ស្ថិតក្រោម​ការគ្រប់គ្រងរ​បស់​ចក្រភព​អង់គ្លេស ​ហើយ Flora Duffy ក៏​ធ្លាប់​បដិសេធ​មិន​ប្រកួត​តំណាងឱ្យ​ក្រុម​អូឡាំពិក​ចក្រភព​អង់គ្លេស​ផងដែរ​កាលពី​ក្មេង​៕

​អត្ថបទ​៖​នាង សុភា​វុ​ធ