អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova ត្រូវបានដកស្រង់សម្តីដោយប្រព័ន្ធផ្សព្វផ្សាយក្នុងស្រុក បាននិយាយនៅថ្ងៃពុធនេះថា សមយុទ្ធរបស់សម្ព័ន្ធយោធាណាតូ នាពេលខាងមុខនៅជិតព្រំដែនប្រទេសរុស្ស៊ី នឹងបង្កើនហានិភ័យជម្លោះយោធា។

សមយុទ្ធរបស់សម្ព័ន្ធយោធាណាតូ មានផែនការចាប់ផ្តើមនៅថ្ងៃសុក្រ នៅប្រទេសហ្វាំងឡង់ ក្បែរព្រំដែនប្រទេសរុស្ស៊ី-ហ្វាំងឡង់។

លោកស្រី Zakharova បាននិយាយដែលត្រូវបានដកស្រង់សម្តីដោយទីភ្នាក់ងារសារព័ត៌មាន RIA Novosti ថា សម្ព័ន្ធមិត្តនេះ បន្តការអភិវឌ្ឍយោធាជាក់ស្តែង នៃរដ្ឋអព្យាក្រឹតមួយដែលធ្លាប់ជាអ្នកចូលរួមមានសិទ្ធិអំណាច ក្នុងការពិភាក្សាលើការពង្រឹងស្ថិរភាព និងសន្តិសុខ។

លោកស្រី Zakharova និយាយថា រដ្ឋាភិបាលរុស្ស៊ីនឹងបន្តឃ្លាំមើលយ៉ាងដិតដល់ជុំវិញសកម្មភាពឈ្លានពានរបស់ប្រទេសលោកខាងលិចជាក្រុមរួមមួយ។

លោកស្រីនិយាយបន្ថែមថា រុស្ស៊ី បានត្រៀមខ្លួនដើម្បីចាត់វិធានការបច្ចេកទេសនយោបាយ និងយោធាចាំបាច់ទាំងអស់ ដើម្បីប្រឆាំងការគំរាមកំហែងណាមួយចំពោះសមត្ថភាពការពារជាតិរបស់ខ្លួន។