អ្នកបោះឆ្នោតនៅក្នុងប្រទេសម៉ាសេដូនខាងជើង បានទៅបោះឆ្នោតនៅថ្ងៃពុធ ទី២៤ ខែមេសានេះ ដើម្បីជ្រើសរើសប្រធានាធិបតីនៅក្នុងការសាកល្បង សម្រាប់ការបោះឆ្នោតសភានៅខែក្រោយ ដែលគណបក្សប្រឆាំងជាតិនិយម កំពុងព្យាយាមដើម្បីធ្វើឲ្យគណបក្សប្រជាធិបតេយ្យសង្គមឆ្វេងនិយមកណ្តាលដែលកំពុងកាន់អំណាច ធ្លាក់ពីតំណែង។ ការបោះឆ្នោតនៅថ្ងៃពុធនេះ ដាក់ឱ្យប្រធានាធិបតី លោក Stevo Pendarovski បេក្ខជនគណបក្សប្រជាធិបតេយ្យសង្គមនិយមគាំទ្រអឺរ៉ុប ប្រជែងជាមួយលោកស្រី Gordana Siljanovska-Davkova មកពីគណបក្សប្រឆាំង។

ខណៈតំណែងប្រធានាធិបតី គឺជាមុខតំណែងក្រិតក្រមមួយ គណបក្សប្រឆាំង សង្ឃឹមថានឹងទទួលបានសន្ទុះសម្រាប់ការបោះឆ្នោតសភាដ៏សំខាន់ នៅថ្ងៃទី ៨ ខែឧសភា។ លោកស្រី Siljanovska-Davkova មកពីគណបក្សប្រឆាំង ត្រូវបានគេរំពឹងថានឹងទទួលបាន ១៩,២% នៃសំឡេងឆ្នោត ហើយលោក Pendarovski នឹងទទួលបាន ៩,៧% នេះបើយោងតាមការស្ទង់មតិដែលចេញផ្សាយដោយ ទូរទស្សន៍រដ្ឋរបស់ប្រទេសម៉ាសេដូនខាងជើង។

លទ្ធផលត្រូវកំណត់នៅល្ងាចថ្ងៃពុធនេះ។ ប្រសិនបើគ្មានបេក្ខជនណាមួយទទួលបានសំឡេងភាគច្រើននៅក្នុងជុំទីមួយនេះទេ ការបោះឆ្នោតជុំថ្មីនឹងត្រូវធ្វើឡើងនៅថ្ងៃទី ៨ ខែឧសភា។

បេក្ខភាពរបស់ប្រទេសម៉ាសេដូនខាងជើង ក្នុងការចូលជាសមាជិកសហភាពអឺរ៉ុប ត្រូវបានបំពេញដោយសុទិដ្ឋិនិយមក្នុងឆ្នាំ ២០០៥ ប៉ុន្តែរយៈពេល ១៩ ឆ្នាំមកនេះ ប្រទេសនេះមានភាពរីកចម្រើនតិចតួច ដោយសារតែការប្រឆាំងពីសមាជិកសហភាពអឺរ៉ុប មានប្រទេសក្រិក និងប៊ុលហ្គារី។

កិច្ចព្រមព្រៀងឆ្នាំ ២០១៧ ដើម្បីផ្លាស់ប្តូរឈ្មោះប្រទេសពីម៉ាសេដូន ទៅ ម៉ាសេដូនខាងជើង បានបញ្ចប់ជម្លោះជាមួយប្រទេសក្រិក ប៉ុន្តែប្រទេសប៊ុលហ្គារី បានប្រើសិទ្ធវ៉េតូនៅឆ្នាំ ២០២០ ជុំវិញបញ្ហាប្រវត្តិសាស្ត្រ និងភាសា ដែលប្រជាជនម៉ាសេដូនខាងជើងភាគច្រើន និយាយថាវាយប្រហារអត្តសញ្ញាណជាតិរបស់ពួកគេ។