ប្រទេស ហ្វីលីពីន បារាំង និងសហរដ្ឋអាមេរិក បានធ្វើសមយុទ្ធលើសមុទ្រពហុភាគីនៅឆ្នេរសមុទ្រ ខេត្ត Palawan ប្រទេសហ្វីលីពីន កាលពីថ្ងៃព្រហស្បតិ៍។
សមយុទ្ធនេះគឺជាផ្នែកមួយនៃសមយុទ្ធហ្វឹកហាត់ប្រយុទ្ធរួមគ្នាប្រចាំឆ្នាំរយៈពេលបីសប្តាហ៍រវាងប្រទេសហ្វីលីពីន និងសហរដ្ឋអាមេរិក ចាប់ពីថ្ងៃទី ២២ ខែមេសា ដល់ថ្ងៃទី ១០ ខែឧសភា ដែលមានទាហានហ្វីលីពីន និងអាមេរិកជាង ១៧.០០០នាក់។
ប្រទេសបារាំង និងអូស្ត្រាលី កំពុងចូលរួមក្នុងសមយុទ្ធទាំងនេះផងដែរ។
យោងតាមសេចក្តីថ្លែងការណ៍របស់កងកម្លាំងប្រដាប់អាវុធហ្វីលីពីន បានឲ្យដឹងថា កងទ័ពជើងទឹកប្រទេសហ្វីលីពីន បារាំង និងសហរដ្ឋអាមេរិក នឹងចូលរួមនៅក្នុងសមយុទ្ធជាបន្តបន្ទាប់ មានគោលបំណងពង្រឹងសមត្ថភាពដែនសមុទ្រ ក្នុងរយៈពេលប្រាំថ្ងៃបន្ទាប់ ។
សមយុទ្ធនេះធ្វើឡើង ក្នុងពេលមានជម្លោះការទូតកាន់តែរីកធំ និងការជួបប្រទះគ្នាលើដែនសមុទ្ររវាងហ្វីលីពីន និងចិន នៅសមុទ្រចិនខាងត្បូង។
ប្រទេសទាំងពីរ ស្ថិតក្នុងចំណោមប្រទេសមួយក្រុមដែលជាប់គាំងក្នុងជម្លោះទឹកដីនៃផ្លូវទឹក ដែលជាផ្លូវទឹកសម្រាប់ពាណិជ្ជកម្មប្រចាំឆ្នាំជាង ៣ ពាន់ពាន់លានដុល្លារ។