មន្ទីរបញ្ចកោណ បាននិយាយកាលពីថ្ងៃព្រហស្បតិ៍ថា កងទ័ពអាមេរិក បានចាប់ផ្តើមសាងសង់ផែ នៅឆ្នេរសមុទ្រហ្កាហ្សា ដែលមានគោលបំណងបង្កើនល្បឿនលំហូរជំនួយមនុស្សធម៌ ចូលទៅក្នុងតំបន់នេះ នៅពេលដែលវាដំណើរការ នៅក្នុងខែឧសភា។
លោកប្រធានាធិបតី ចូ បៃដិន (Joe Biden) បានប្រកាសផែនេះ កាលពីខែមីនា ខណៈដែលមន្ត្រីជំនួយបានអង្វរអ៊ីស្រាអែលឲ្យបន្ធូរបន្ថយការចូលប្រើប្រាស់សម្រាប់ការផ្គត់ផ្គង់ជំនួយ ទៅកាន់តំបន់ហ្គាហ្សាតាមផ្លូវគោក។ នៅទីបំផុត ថាតើកំពង់ផែនេះ នឹងទទួលបានជោគជ័យ ក្នុងការជំរុញជំនួយមនុស្សធម៌ គឺមិនច្បាស់លាស់នោះទេ ខណៈដែលមន្ត្រីអន្តរជាតិ បានព្រមានអំពីហានិភ័យនៃគ្រោះទុរ្ភិក្ស នៅក្នុងតំបន់ហ្កា ហ្សាភាគខាងជើង។
យុទ្ធនាការយោធារយៈពេល៦ខែរបស់អ៊ីស្រាអែលប្រឆាំងនឹងក្រុមហាម៉ាស បានបំផ្លិចបំផ្លាញតំបន់ហ្កា ហ្សាស្ទ្រីបដ៏តូច និងបានធ្វើឲ្យប្រជាជនរបស់ខ្លួនចំនួន ២,៣លាននាក់ ធ្លាក់ចូលទៅក្នុងមហន្តរាយមនុស្ស ធម៌។
មន្ត្រីជាន់ខ្ពស់នៃរដ្ឋបាលលោក បៃដិន បាននិយាយទៅកាន់អ្នកសារព័ត៌មានក្នុងលក្ខខណ្ឌមិនបញ្ចេញឈ្មោះ បាននិយាយថា ជំនួយមនុស្សធម៌ដែលចេញមកពីកំពង់ផែ នឹងត្រូវឆ្លងកាត់ប៉ុស្តិ៍ត្រួតពិនិត្យរបស់ អ៊ីស្រាអែលនៅលើគោក។ នោះគឺមានន័យថា ជំនួយត្រូវបានត្រួតពិនិត្យរួចហើយដោយអ៊ីស្រាអែល នៅ ក្នុងប្រទេសកោះស៊ីប មុនពេលត្រូវបានដឹកជញ្ជូនទៅកាន់តំបន់ហ្កាហ្សា។ អ៊ីស្រាអែល ចង់រារាំងជំនួយណាមួយដែលបានដល់យុទ្ធជនហាម៉ាស ដែលអាចជួយជំរុញកិច្ចប្រឹងប្រែងធ្វើសង្រ្គាមរបស់ពួកគេនោះ។