នាយកដ្ឋានពន្លត់អគ្គិភ័យរដ្ឋ Rio Grande do Sul ដែលនៅតែកំពុងស្វែងរកអ្នកបាត់ខ្លួននោះ បានឲ្យដឹងថា យ៉ាងហោចណាស់មនុស្ស ១០នាក់ បានស្លាប់ និង ១១នាក់ រងរបួស នៅព្រឹកព្រលឹមថ្ងៃសុក្រ (២៦ មេសា) នេះ ក្នុងហេតុការណ៍អគ្គិភ័យដ៏ធំ ដែលបានឆាបឆេះនៅផ្ទះសំណាក់មួយ ក្នុងទីក្រុង Porto Alegre ភាគខាងត្បូងប្រទេសប្រេស៊ីល។

បើយោងតាមសេវាពន្លត់អគ្គិភ័យ បានឲ្យដឹងថា ក្រុមអ្នកពន្លត់អគ្គិភ័យ បានប្រាប់ថា ពួកគេទទួលបានទូរសព្ទនៅម៉ោងប្រហែល ២ទៀបភ្លឺ (ត្រូវនឹងម៉ោង ៥ម៉ោងសកល) នៅថ្ងៃសុក្រនេះ ហើយបានពន្លត់អណ្ដាតភ្លើងក្នុងរង្វង់រយៈពេល ២ម៉ោង។ ជាមួយគ្នានេះ នគរបាននិយាយថា ខ្លួនមិនទាន់មានព័ត៌មានអំពីមូលហេតុដែលអាចបង្កឲ្យមានអគ្គិភ័យនេះនៅឡើយទេ ។

ហើយបើយោងតាមនាយកដ្ឋានពន្លត់អគ្គិភ័យ បានឲ្យដឹងបន្ថែមថា អគារនេះមិនមានអាជ្ញាប័ណ្ណធ្វើផ្ទះសំណាក់នោះទេ ហើយក៏មិនមានប្លង់ប្រព័ន្ធបង្ការ និងពន្លត់អគ្គិភ័យផងដែរ៕